പാരീസ്: ഫ്രാന്സില് പാര്ലമെന്റ് പിരിച്ചുവിട്ട പ്രസിഡന്റ് ഇമ്മാനുവല് മാക്രോണ് പൊതുതെരഞ്ഞെടുപ്പ് പ്രഖ്യാപിച്ചു. ദേശീയ അസംബ്ലിയിലേക്കുള്ള ആദ്യഘട്ടം തെരഞ്ഞെടുപ്പ് ഈ മാസം 30ന് നടക്കും. രണ്ടാംഘട്ട തെരഞ്ഞെടുപ്പ് ജൂലൈ ഏഴിനാണ്.
യൂറോപ്യന് യൂണിയന് തെരഞ്ഞെടുപ്പില് 40 ശതമാനം വോട്ട് നേടി ഫ്രാന്സിലെ വലതുപക്ഷ പാര്ട്ടികള് ഭൂരിപക്ഷം നേടിയിരുന്നു. രാജ്യത്തെ സാമ്പത്തിക പിന്നാക്കാവസ്ഥ ഉയര്ത്തി കാട്ടി വലതുപക്ഷം മുന്നേറ്റമുണ്ടാക്കുന്നതില് മാക്രോണ് അതൃപ്തി പ്രകടിപ്പിച്ചിരുന്നു.
ജോര്ദാന് ബാര്ഡെല്ലയുടെ നേതൃത്വത്തിലുള്ള നാഷണല് റാലി 32.3 മുതല് 33 ശതമാനം വരെ വോട്ട് നേടി. എന്നാല് മാക്രോണിന്റെ റെനൈസന്സ് പാര്ട്ടിയുടെ നേതൃത്വത്തിലുള്ള സഖ്യം 14.8 മുതല് 15.2 ശതമാനം വരെ മാത്രം വോട്ടാണ് നേടിയത്.
ഈ സാഹചര്യത്തില് പൊാതുതെരഞ്ഞെടുപ്പ് നടത്തണമെന്ന് ബാര്ഡെല്ല മാക്രോണിനോട് ആവശ്യപ്പെട്ടിരുന്നു.
