മുംബൈ ;നിരവധി ബോളിവുഡ് വെബ് സീരീസുകളിലൂടെ ശ്രദ്ധനേടിയ നടി നൂർ മാലാബിക ദാസിനെ മുംബൈയിലെ വസതിയിൽ മരിച്ച നിലയിൽ കണ്ടെത്തി. നടി ആത്മഹത്യ ചെയ്തതാകാമെന്നാണ് പ്രാഥമിക നിഗമനം. അസം സ്വദേശിയായ നൂർ, എയർ ഹോസ്റ്റസായി ഖത്തർ എയർവേയ്‌സിൽ ജോലി ചെയ്തിരുന്നു. ഇതിനിടെയാണ് അഭിനയത്തിലേക്ക് തിരിയുന്നത്. മുംബൈ ലോഖണ്ഡ്‌വാലയിലാണ് താമസം.
നടിയുടെ അപ്പാർട്ട്മെൻ്റിൽ നിന്ന് ദുർഗന്ധം വമിക്കുന്നതായി അയൽവാസികൾ അറിയിച്ചതിനെ തുടർന്നാണ് മുറിയിൽ പരിശോധന നടത്തിയത്. അഴുകിയ നലയിലാണ് ഇവിടെ നിന്ന് മൃതദേഹം കണ്ടെത്തിയത്
2023ൽ പുറത്തിറങ്ങിയ ‘ദ ട്രെയിൽ’ എന്ന സീരീസിൽ കജോളിനൊപ്പം ശ്രദ്ധേയമായ കഥാപാത്രം അവതരിപ്പിച്ചു. ‘സിസ്‌കിയാൻ’, ‘വാക്കമാൻ’, ‘തീഖി ചാത്‌നി’, ‘ജഘന്യ ഉപായ’, ‘ചരംസുഖ്’, ‘ദേഖി അന്ദേഖി’, ‘ബാക്ക്‌റോഡ് ഹസ്‌റ്റാലെ,’ തുടങ്ങി നിരവധി സിനിമകളിലും വെബ് സീരീസുകളിലും അഭിനയിച്ചിട്ടുണ്ട്.
വ്യാഴാഴ്ച നടിയുടെ അപ്പാർട്ട്മെൻ്റിൽ നിന്ന് ദുർഗന്ധം വമിക്കുന്നതായി അയൽവാസികൾ അറിയിച്ചതിനെ തുടർന്നാണ് മുറിയിൽ പരിശോധന നടത്തിയത്. അഴുകിയ നലയിലാണ് ഇവിടെ നിന്ന് മൃതദേഹം കണ്ടെത്തിയത്.
പ്രോട്ടോക്കോൾ അനുസരിച്ചുള്ള പരിശോധനകൾക്ക് ശേഷം നടിയുടെ കുടുംബവുമായി പൊലീസ് ബന്ധപ്പെട്ടിട്ടുണ്ട്. എന്നാൽ മൃതദേഹം ഏറ്റെടുക്കാൻ കുടുംബാംഗങ്ങളാരും മുന്നോട്ട് വരാത്തതിനാൽ, അന്ത്യകർമ്മങ്ങൾ അടുത്ത ഞായറാഴ്ച നടത്തുമെന്നാണ് റിപ്പോർട്ട്.
മരണത്തിൽ സമഗ്രമായ അന്വേഷണം നടത്തണമെന്ന് ഓൾ ഇന്ത്യൻ സിനി വർക്കേഴ്‌സ് അസോസിയേഷൻ, മുഖ്യമന്ത്രി ഏകനാഥ് ഷിൻഡെയോടും ആഭ്യന്തരമന്ത്രി ദേവേന്ദ്ര ഫഡ്‌നാവിസിനോടും ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: