തിരുവനന്തപുരം: തൃശൂരില്‍ ശക്തന്‍തമ്പുരാന്റെ പ്രതിമ തകര്‍ത്തതിന് പിന്നില്‍ ഗൂഢാലചനയോയെന്ന് സംശയം. വലിയ പരീക്ഷണങ്ങള്‍ നടപ്പാക്കി കെഎസ്ആര്‍ടിസിയുടെ മുഖം മിനുക്കുന്നതിനിടയിലാണ് കെഎസ്ആര്‍ടിസിയുടെ ബസ് ഇടിച്ച് ശക്തന്‍ തമ്പുരാന്റെ പ്രതിമ കഴിഞ്ഞ ദിവസം തകര്‍ന്നത്.
ഇതോടെ കെഎസ്ആര്‍ടിസിയ്‌ക്കെതിരെ ശക്തമായ വിമര്‍ശനം ഉയരുകയാണ്. കെഎസ്ആര്‍ടിസി ബസ് ഇടിച്ച് തകര്‍ന്ന ശക്തന്‍ തമ്പുരാന്റെ പ്രതിമ കെഎസ്ആര്‍ടിസി പുനസ്ഥാപിക്കുമെന്ന് മന്ത്രി ഗണേഷ് കുമാര്‍ പ്രസ്താവിച്ചെങ്കിലും വിമര്‍ശനം രൂക്ഷമാണ്
ശക്തന്‍ തമ്പുരാന്റെ പ്രതിമ കെഎസ്ആര്‍ടിസിയുടെ ചെലവില്‍ പുനസ്ഥാപിക്കുമെന്ന് ഗതാഗത മന്ത്രി ഗണേഷ് കുമാര്‍ ഉറപ്പു നല്‍കിയതായി മന്ത്രി കെ രാജന്‍ അറിയിച്ചു. പ്രതിമയുടെ ശില്‍പ്പികളുമായി കൂടിയാലോചിച്ച് എത്രയും വേഗത്തില്‍ പ്രതിമ പുനസ്ഥാപിക്കാനുള്ള നടപടികള്‍ ആരംഭിച്ചതായും മന്ത്രി അറിയിച്ചു.
പ്രതികരിക്കാൻ ഇവിടെ എഴുതുക: