തിരുവനന്തപുരം: നാലാം ലോക കേരള സഭ ഈ മാസം 13 മുതല്‍ 15 വരെ തിരുവനന്തപുരത്ത് നടക്കും.103 രാജ്യങ്ങളില്‍ നിന്നുളള പ്രവാസി പ്രതിനിധികള്‍ സമ്മേളനത്തിനെത്തും.
പ്രത്യേക ക്ഷണിതാക്കളായി 200-ഓളം പേരും ഇത്തവണ സഭയില്‍ പങ്കെടുക്കുന്നുണ്ട്. ലോക കേരളം പോര്‍ട്ടല്‍ നിലവില്‍ വരുന്നതും കുടിയേറ്റ സര്‍വേ റിപ്പോര്‍ട്ടും ജൂണ്‍ 13നാണ്.
എമിഗ്രേഷന്‍ കരട് ബില്‍ 2021, വിദേശ റിക്രൂട്ട്‌മെന്റ് പ്രോഗ്രാമുകള്‍, സുസ്ഥിര പുനരധിവാസം, നൂതന ആശയങ്ങള്‍, കുടിയേറ്റത്തിലെ ദുര്‍ബലകണ്ണികളും സുരക്ഷയും, നവ തൊഴില്‍ അവസരങ്ങളും നൈപുണ്യ വികസനവും, കേരള വികസനം, നവ മാതൃകകള്‍, വിദേശ രാജ്യങ്ങളിലെ മാറുന്ന തൊഴില്‍-കുടിയേറ്റ നിയമങ്ങളും മലയാളി പ്രവാസവും, വിജ്ഞാന സമ്പദ്ഘടനയിലേക്കുള്ള പരിവര്‍ത്തനവും പ്രവാസികളും എന്നിങ്ങനെ എട്ട് വിഷയങ്ങളില്‍ അവതരണങ്ങള്‍ ഉണ്ടാകും.ഇതിനൊപ്പം ഏഴു മേഖലാ അടിസ്ഥാനത്തിലുളള ചര്‍ച്ചകളും സംഘടിപ്പിക്കുന്നുണ്ട്.
ലോക കേരള സഭ നടക്കുന്ന ദിവസങ്ങളില്‍ നിയമസഭാ സഭ സമ്മേളനം നടക്കില്ലെന്ന് നേരത്തെ സ്പീക്കര്‍ എ.എന്‍. ഷംസീര്‍ അറിയിച്ചു.
പ്രതികരിക്കാൻ ഇവിടെ എഴുതുക: