തിരുവനന്തപുരം: സുരേഷ് ഗോപി നിരോധിക്കപ്പെട്ട ഒരു പാർട്ടിയുടെ സ്ഥാനാർഥിയല്ലെന്നും ജയിക്കാന്‍ എല്ലാ അവകാശങ്ങളും ഉണ്ടെന്നും നടന്‍ അലന്‍സിയര്‍. ബിജെപി എന്ന പാര്‍ട്ടിയെ ഇന്ത്യയില്‍ നിരോധിച്ചിട്ടുണ്ടോ?- അലന്‍സിയര്‍ ചോദിച്ചു.
‘ഗോളം’ സിനിമയുടെ പ്രത്യേക ഷോ കാണാന്‍ തിയറ്ററില്‍ എത്തിയപ്പോള്‍ ലോക്സഭ തെരഞ്ഞെടുപ്പിൽ നടൻ സുരേഷ് ഗോപിയുടെ വിജയവുമായി ബന്ധപ്പെട്ട ചോദ്യത്തിനോട് പ്രതികരിക്കുകയായിരുന്നു അദ്ദേഹം.
.അദ്ദേഹത്തിന്റെ രാഷ്‌ട്രീയത്തോട് എതിരഭിപ്രായവും വിയോജിപ്പുകളും ഉണ്ടെങ്കിലും ജയിക്കാൻ സുരേഷ് ഗോപിക്ക് എല്ലാ അവകാശങ്ങളും ഉണ്ട്. ഇന്ത്യ ഭരിക്കാന്‍ ബിജെപിക്ക് അധികാരമുണ്ടെങ്കില്‍ കേരളത്തില്‍ ജയിക്കാന്‍ സുരേഷ് ഗോപിക്ക് അവകാശമില്ലേ? അദ്ദേഹം ഒരു ഇന്ത്യന്‍ പൗരനല്ലേ? ബിജെപി എന്ന പാര്‍ട്ടിയെ ഇന്ത്യയില്‍ നിരോധിച്ചിട്ടുണ്ടോ? ഇല്ലല്ലോ? അങ്ങനെയാണെങ്കില്‍ പറയാം, അദ്ദേഹത്തിന് ജയിക്കാന്‍ അവകാശമില്ലെന്ന്.
സുരേഷ് ഗോപി നല്ല മനുഷ്യനായതുകൊണ്ടാണ് വിജയിച്ചത്. ഞാന്‍ ആ രാഷ്‌ട്രീയമല്ല പറയുന്നത്. ആ രാഷ്‌ട്രീയത്തോടെ എതിരഭിപ്രായവും വിയോജിപ്പുകളുമുണ്ടാകാം. പക്ഷേ അദ്ദേഹത്തിന്റെ മനുഷ്യത്വവും കോണ്‍ഗ്രസ്സുകാരുടെ പറ്റിപ്പും കാരണമാണ് ആളുകള്‍ വോട്ട് ചെയ്തത്. -അലന്‍സിയര്‍ പറഞ്ഞു.
പ്രതികരിക്കാൻ ഇവിടെ എഴുതുക