ആലപ്പുഴ: മാരക മയക്കുമരുന്നായ എംഡിഎംഎയുമായി യുവാവിനെ പിടികൂടി. ആര്യാട് സൗത്ത് തൈലംതറ വെളിയില് അനന്തകൃഷ്ണ (23)നെയാണ് നോര്ത്ത് പോലിസ് സ്റ്റേഷന് പരിധിയില് കാളാത്ത് ജങ്ഷന് സമീപം ആറു ഗ്രാം എംഡിഎംഎ യുമായി ജില്ലാ ലഹരി വിരുദ്ധ സ്ക്വാഡും ആലപ്പുഴ നോര്ത്ത് പോലിസും ചേര്ന്ന് പിടികൂടിയത്. മാസങ്ങളായി ബാംഗ്ലൂരില്നിന്നും എംഡിഎംഎ നാട്ടിലെത്തിച്ച് വില്പ്പന നടത്തിവരികയായിരുന്നു. ഇയാള് തമിഴ്നാട് സേലത്ത് നഴ്സിങ് പഠിക്കുകയാണ്.
നാട്ടില് വരുമ്പോള് ബാംഗ്ലൂരില് പോയി വാങ്ങി നാട്ടില് കൊണ്ടുവന്ന് കച്ചവടം നടത്തിവരികയായിരുന്നു. കഴിഞ്ഞ കുറെ മാസങ്ങളായി ആലപ്പുഴ ടൗണ് ഭാഗങ്ങളാണ് ലഹരി വസ്തുക്കള് വില്ക്കുന്നതിനായി ഇയാള് തിരഞ്ഞെടുത്തിരുന്നത്. രഹസ്യവിവരത്തിന്റെ അടിസ്ഥാനത്തില് ഇയാളെ നിരിക്ഷിച്ച് വരികയായിരുന്നു.
ജില്ലാ ലഹരി വിരുദ്ധ സ്ക്വാഡ് ഡിവൈഎസ്പിബി. പങ്കജാക്ഷന്റെ നേതൃത്വത്തിലുള്ള ലഹരി വിരുദ്ധ സ്ക്വാഡും ആലപ്പുഴ ഡിവൈഎസ്പി വിജയന്റെ നേതൃത്വത്തിലുള്ള ആലപ്പുഴ നോര്ത്ത് സിഐ സുമേഷ് സുധാകരന്, എസ്ഐ അനില്, ജിഎസ്ഐ സാലസ്, എസ്സിപിഒമാരായ മാത്യു, ഡാരില് നെല്സണ് എന്നിവരാണ് പ്രതിയെ പിടികുടിയത്.
പ്രതികരിക്കാൻ ഇവിടെ എഴുതുക: