തെരഞ്ഞെടുപ്പ് വിജയത്തില് പ്രധാനമന്ത്രി നരേന്ദ്ര മോദിയെ അഭിനന്ദിച്ച് അമേരിക്കന് ഗായികയും നടിയുമായ മേരി മില്ബെന്. മോദിയുടെ തെരഞ്ഞെടുപ്പ് ജനങ്ങളുടേത് മാത്രമല്ല ദൈവത്തിന്റേതും കൂടിയാണെന്ന് മേരി എക്സില് കുറിച്ചു.
അദ്ദേഹം ദൈവത്തിന്റെ ദൂതനാണ്. പുതിയ ഭാരതത്തിന്റെ ശബ്ദമാണ്, വീണ്ടും വിജയിച്ച പ്രധാനമന്ത്രിയെ അഭിനന്ദിക്കുന്ന ആദ്യ അമേരിക്കക്കാരില് ഒരാളെന്ന നിലയില് എനിക്ക് അഭിമാനമുണ്ട്. അങ്ങ് ഭാരതത്തിന്റെ ഏറ്റവും ശക്തനായ നേതാവാണ്. അങ്ങയുടെ മൂന്നാമൂഴം ചരിത്രപരമാണ്. ഭാരതത്തെ ഒറ്റക്കെട്ടായി, ഏക ഭാരതമായി നയിക്കാനുള്ള ദൗത്യമാണ് അങ്ങ് ഏറ്റെടുത്തിരിക്കുന്നത്, മേരി മില്ബെന് അഭിനന്ദന സന്ദേശത്തില് പറഞ്ഞു.
