അമ്പലപ്പുഴ: തോട്ടപ്പള്ളിയിലെ കരിമണല് ഖനന വിഷയത്തില് സര്ക്കാര് നിലപാടിനെതിരെ സമരസന്ദേശ യാത്രയുമായി സിപിഐ അനുകൂല സംഘടനയായ ജോയിന്റ് കൗണ്സില്. പരിസ്ഥിതി ദിനത്തിലാണ് ജോയിന്റ് കൗണ്സില് ആലപ്പുഴ ജില്ലാ കമ്മിറ്റിയുടെ നേതൃത്വത്തില് തോട്ടപ്പള്ളിയില് ഈ സമരം സംഘടിപ്പിച്ചത്. ഭൂമിയിലേക്ക് മടങ്ങുക ഭൂമി ചിരിക്കട്ടെ എന്ന മുദ്രാവാക്യമുയര്ത്തിയാണ്പരിസ്ഥിതി സംരക്ഷണ സന്ദേശ യാത്ര സംഘടിപ്പിച്ചത്.
സമര സന്ദേശയാത്ര സിപിഐ ആലപ്പുഴ ജില്ലാ സെക്രട്ടറി റ്റി.ജെ. ആഞ്ചലോസ് ഫ്ലാഗ് ഓഫ് ചെയ്തു. ജോയിന്റ് കൗണ്സില് സംസ്ഥാന സെക്രട്ടറി പി.എസ്. സന്തോഷ് കുമാര് സംസ്ഥാന കമ്മിറ്റിയംഗം സൂരജ് എന്നിവരാണ് യാത്ര നയിച്ചത്.സമാപനം കവി കുരീപ്പുഴ ശ്രീകുമാര് ഉദ്ഘാടനം ചെയ്തു.
