ദൊഡ്ഡയില്‍ തരംഗമാണ് നിഷികാന്ത് ദുബെ. 2009 മുതല്‍ ദൊഡ്ഡയുടെ നായകന്‍. മണ്ഡലത്തിലെ ഓരോ മുഖങ്ങളും പരിചയമുള്ള നേതാവ്. ഒരു ലക്ഷം പേരെ പേര് വിളിച്ച് സംസാരിക്കാനുള്ള പരിചയം തനിക്കുണ്ടെന്ന് നിഷികാന്ത് വെറും വാക്ക് പറയുന്നതല്ല. മറ്റുള്ളവരെ മുഖം കൊണ്ട് തിരിച്ചറിയും. ദൊഡ്ഡയിലെ ജനങ്ങള്‍ക്ക് നിഷികാന്തല്ലാതെ മറ്റൊരു ജനപ്രതിനിധി വേണ്ടെന്ന് അവര്‍ തീരുമാനിച്ചതിന് പിന്നില്‍ വേറെ കാരണം കണ്ടെത്തേണ്ടതില്ല.
മോദിജി ജനക്ഷേമ പദ്ധതികളുടെ ഹോള്‍സെയില്‍ ഡീലറാണെന്ന് കോര്‍പ്പറേറ്റ് ഭാഷയില്‍ നിഷികാന്ത് പറയും. മോദിജി ഒരു ലക്ഷം പേര്‍ക്ക് നല്കാനുള്ള പദ്ധതികള്‍ എനിക്ക് തരും. ഞാനത് ഒട്ടും ചോരാതെ ജനങ്ങള്‍ക്ക് റീട്ടെയിലായി നല്കും. പതിറ്റാണ്ടുകളായി ദൊഡ്ഡ പിന്നാക്ക പ്രദേശമായിരുന്നു. ഭരിക്കുന്നവരുടെ കണ്ണെത്താത്ത പ്രദേശം. അവിടേക്കാണ് മോദിജി വികസനത്തിന്റെയും ക്ഷേമത്തിന്റെയും കൈകള്‍ നീട്ടിയത്. അദ്ദേഹം തന്നതത്രയും ഞാന്‍ ജനങ്ങള്‍ക്ക് നല്കിയിട്ടുണ്ട്. അത് അവര്‍ക്കും അറിയാം.
നിഷികാന്ത് ജനപ്രിയനാകുന്നത് അങ്ങനെയാണ്. ദൊഡ്ഡയിലെ ആളുകളുടെ എല്ലാ വിശേഷങ്ങളിലും കുടുംബാംഗത്തെപ്പോലെ എംപിയെത്തും. ആദ്യവസാനക്കാരനായി പങ്കെടുക്കും. സങ്കടത്തിലും സന്തോഷത്തിലും അദ്ദേഹമുണ്ട്. പിന്നെ ഞങ്ങള്‍ എന്തിന് വേറൊരാളെ തേടണം, ഗ്രാമവാസികളുടെ ചോദ്യത്തിന് എതിരാളികള്‍ക്കും ഉത്തരമില്ല.
2009ല്‍ തെരഞ്ഞെടുപ്പ് രാഷ്‌ട്രീയത്തിലിറങ്ങും മുമ്പ് കച്ചവടമായിരുന്നു നിഷികാന്ത് ദുബെയുടെ തട്ടകം. എസ്സാര്‍ കോപ്പറേറ്റ് കമ്പനിയുടെ ചുമതലക്കാരാനായിരുന്നു. അതുകൊണ്ടുതന്നെ തുടക്കത്തില്‍ ഗ്രാമീണര്‍ക്ക് അകല്‍ച്ചയുണ്ടായിരുന്നു. പക്ഷേ അത് വേഗം മാറി. ഹൃദയം തുറന്ന് സംവദിച്ചു. ബിസിനസിലൂടെ സൃഷ്ടിച്ച ഉന്നത ബന്ധങ്ങള്‍ ജനങ്ങള്‍ക്ക് വേണ്ടി ഉപയോഗിച്ചു. ദൊഡ്ഡയിലെ പ്രചാരണവേദികളിലും നിഷികാന്തിന് വേണ്ടി പാടാനും പറയാനും ഭോജ്പുരി താരങ്ങള്‍ എത്തുന്നത് അതിന്റെ തെളിവാണ്. നടി അമ്രപാലിയുടെ നേതൃത്വത്തില്‍ കഴിഞ്ഞ ദിവസം നടന്ന റോഡ് ഷോ സൃഷ്ടിച്ചത് വലിയ ചലനമായിരുന്നു.
ദൊഡ്ഡയില്‍ വനവാസികളേറെയുണ്ട്. വനവാസി കല്യാണാശ്രമം പോലെയുള്ള പ്രസ്ഥാനങ്ങളും ജനജാതി സുരക്ഷാ മഞ്ച് അടക്കമുള്ള മുന്നേറ്റങ്ങളും മണ്ഡലത്തില്‍ സജീവമാണ്. എല്ലായിടത്തും നിഷികാന്ത് ഉണ്ട്. തെരഞ്ഞെടുപ്പ് ഫലത്തെക്കുറിച്ച് ജനങ്ങള്‍ക്കും സംശയമില്ല. നിഷികാന്ത് അല്ലാതെ മറ്റാര്…
പ്രതികരിക്കാൻ ഇവിടെ എഴുതുക: