കൊച്ചി:: ജഡ്ജിയുടെ യാത്രയയപ്പ് ചടങ്ങ് ബഹിഷ്‌കരിക്കാന്‍ കേരളാ ഹൈക്കോടതി അഭിഭാഷക അസോസിയേഷന്‍. വെളളിയാഴ്ച നടക്കുന്ന ജസ്റ്റിസ് മേരി ജോസഫിന്റെ യാത്ര അയപ്പില്‍ പങ്കെടുക്കില്ലെന്ന് വ്യക്തമാക്കി അഭിഭാഷക അസോസിയേഷന്‍ ചീഫ് ജസ്റ്റിസിന് കത്ത് നല്‍കി.
തുറന്ന കോടതിയില്‍ സാധാരണ നടക്കാറുളള യാത്രയയപ്പിന് പകരം ഇത്തവണ ഹൈക്കോടതി ഹാളിലാണ് ചടങ്ങ് സംഘടിപ്പിച്ചിരിക്കുന്നത്.സ്വകാര്യ ചടങ്ങാക്കി നടത്തണമെന്ന് ജസ്റ്റിസ് മേരി ജോസഫ് ആവശ്യപ്പെട്ടെന്നാണ് ഹൈക്കോടതി രജിസ്റ്റാര്‍ അറിയിച്ചത്.
പരിപാടിയില്‍ അഭിഭാഷക അസോസേഷന്‍ പ്രസിഡന്റിന് ആശംസ അറിയിക്കാനും ഇത്തവണ അവസരമില്ല. ഇതിലുളള പ്രതിഷേധം കൂടി രേഖപ്പെടുത്തുകയാണ് ഹൈക്കോടതി അഭിഭാഷക അസോസിയേഷന്‍.
പ്രതികരിക്കാൻ ഇവിടെ എഴുതുക