ട്രിനിഡാഡ്: ട്വന്റി20 ലോകകപ്പ് സന്നാഹമത്സരത്തില്‍ നമീബിയയയെ ഏഴ് വിക്കറ്റിന് തകര്‍ത്ത് ഓസ്‌ട്രേലിയ. ആദ്യം ബാറ്റ് ചെയ്ത നമീബിയയെ 119 റണ്‍സില്‍ ഒതുക്കിയ ഓസ്‌ട്രേലിയ, വിജയലക്ഷ്യം വെറും 10 ഓവറില്‍ മറികടന്നു. ബാറ്റിങ്ങില്‍ ഡേവിഡ് വാര്‍ണറും ബൗളിങ്ങില്‍ ജോഷ് ഹേസല്‍വുഡ്, ആദം സാമ്പ എന്നിവരാണ് ഓസ്‌ട്രേലിയന്‍ നിരയില്‍ തിളങ്ങിയത്.
ടോസ് നേടിയ ഓസ്‌ട്രേലിയ ബൗളിങ് തെരഞ്ഞെടുത്തു. നാല് ഓവറില്‍ അഞ്ച് റണ്‍സ് വഴങ്ങി രണ്ട് വിക്കറ്റ് വീഴ്‌ത്തിയ ഹേസല്‍വുഡാണ് ഓസീസ് ബൗളിങ്ങിനെ നയിച്ചത്. ഹേസല്‍വുഡിന്റെ മൂന്ന് ഓവര്‍ മെയ്ഡനായിരുന്നു. ആദം സാമ്പ 25 റണ്‍സിന് മൂന്ന് വിക്കറ്റ് നേടി.
120 റണ്‍സ് വിജയലക്ഷ്യം പിന്തുടര്‍ന്ന ഓസ്‌ട്രേലിയക്കായി ഡേവിഡ് വാര്‍ണര്‍ വെറും 21 പന്തില്‍ ആറ് ബൗണ്ടറിയും മൂന്ന് സിക്‌സുമടക്കം 54 റണ്‍സെടുത്തപ്പോള്‍ ഓസ്‌ട്രേലിയ 10 ഓവറില്‍ വിജയം പൂര്‍ത്തിയാക്കി. മിച്ചല്‍ മാര്‍ഷ് 18 റണ്‍സും,ജോഷ് ഇംഗ്ലിസ് അഞ്ച് റണ്‍സും ടിം ഡേവിഡ് 23 റണ്‍സും നേടി പുറത്തായി.
ഇന്ന് ആതിഥേയരായ വെസ്റ്റിന്‍ഡീസാണ് ഓസ്‌ട്രേലിയയുടെ രണ്ടാംസന്നാഹമത്സരത്തിലെ എതിരാളികള്‍.
പ്രതികരിക്കാൻ ഇവിടെ എഴുതുക: