കൊച്ചി: വിവിധ വിഭാഗങ്ങളിലായി ദേശീയ തലത്തില്‍ മെഡലുകള്‍ കരസ്ഥമാക്കിയ കേരളത്തിന്റെ ജിംനാസ്റ്റിക് താരങ്ങളെ ജിംനാസ്റ്റിക്സ് അസോസിയേഷന്‍ കേരള ആദരിച്ചു.
ഹോട്ടല്‍ സീപാര്‍ക്ക് കളമശ്ശേരിയില്‍ നടന്ന ജിംനാസ്റ്റിക്സ് അസോസിയേഷന്‍ കേരളയുടെ വാര്‍ഷിക ജനറല്‍ ബോഡി യോഗത്തിലാണ് 32 ജിംനാസ്റ്റിക് താരങ്ങളെയും അവരുടെ കോച്ചുമാരെയും ആദരിച്ചത്. ഹോങ്ങ്കോങ്ങില്‍ നടന്ന ഏഷ്യന്‍ ചാമ്പ്യന്‍ഷിപ്പില്‍ പങ്കെടുത്ത അന്‍വിത സച്ചിനേയും ആദരിച്ചു.
മഹാരാഷ്‌ട്രയില്‍ നടന്ന ജൂനിയര്‍ നാഷണല്‍ ഗെയിംസില്‍ ഒന്നാം സ്ഥാനവും കോഴിക്കോട് നടന്ന സീനിയര്‍ ഗെയിംസിലും ഗോവയില്‍ നടന്ന നാഷണല്‍ ഗെയിംസിലും രണ്ടാം സ്ഥാനവും അരുണ്‍ സി. എ. പരിശീലിപ്പിക്കുന്ന അന്‍വിത സ്വന്തമാക്കിയിരുന്നു. കേരള ഫുട്ബോള്‍ അസോസിയേഷന്‍ സെക്രട്ടറിയും കേരള ഒളിംപിക് അസോസിയേഷന്‍ ജോയിന്റ് സെക്രട്ടറിയുമായ അനില്‍ കുമാര്‍, കേരള ഒളിംപിക് അസോസിയേഷന്‍ സീനിയര്‍ വൈസ് പ്രസിഡന്റ് മോഹന്‍ദാസ് എന്നിവര്‍ ചടങ്ങില്‍ അതിഥികളായിരുന്നു. ജിംനാസ്റ്റിക് അസോസിയേഷന്‍ കേരള പ്രസിഡന്റ് യു.തിലകന്‍, സെക്രട്ടറി ജിത്തു വി.എസ്, ട്രഷറര്‍ അശോകന്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: