വരാപ്പുഴ: എറണാകുളം വരാപ്പുഴയില്‍ അച്ഛനും നാല് വയസുള്ള മകനും വീടിനുള്ളില്‍ മരിച്ച നിലയില്‍. മണ്ണംതുരുത്തില്‍ സിപി കലുങ്കിനു സമീപം ബുധനാഴ്ച പുലര്‍ച്ചെയാണ് സംഭവം.
മലപ്പുറം വളാഞ്ചേരി സ്വദേശി ഷെരീഫ് ( 45),മകന്‍ ഷിഫാഫ് എന്നിവരാണ് മരിച്ചത്. മകനെ കൊലപ്പെടുത്തിയ ശേഷം ഷെരീഫ് ജീവനൊടുക്കിയെന്നാണ് കരുതുന്നത്.
പുലര്‍ച്ചെ ഷെരീഫിന്റെ ഭാര്യ അയല്‍വാസിയുടെ ഫോണില്‍ വിളിച്ച് ഷെരീഫ് താമസിക്കുന്ന വീട്ടില്‍ എത്താന്‍ ആവശ്യപ്പെട്ടു. തുടര്‍ന്ന് ഭാര്യയും സംഭവസ്ഥലത്ത് എത്തിയപ്പോള്‍ ഷെരീഫിനെയും മകനെയും വീടിനുള്ളില്‍ തൂങ്ങിമരിച്ച നിലയില്‍ കാണുകയായിരുന്നു. ഭാര്യയുമായിട്ടുള്ള വഴക്കാണ് മരണത്തിന് കാരണമെന്നാണ് സൂചന.
വിവരം അറിയിച്ചതിനെത്തുടര്‍ന്ന് വരാപ്പുഴ പൊലീസ് എത്തിയാണ് വീടിന്റെ വാതില്‍ തുറന്നത്. ഇവര്‍ മണ്ണംതുരുത്ത് സിപി കലുങ്കിനടുത്ത് വാടകയ്‌ക്ക് താമസിക്കാന്‍ തുടങ്ങിയിട്ട് ഒരുമാസമേ ആയിട്ടുള്ളു.
പ്രതികരിക്കാൻ ഇവിടെ എഴുതുക: