ബൈജൂസ് ഉടമ ബൈജു രവീന്ദ്രന്റെ സഹോദരനും ബൈജൂസിന്റെ പ്രധാനിയുമായി റിജു രവീന്ദ്രന് യുഎസ് കോടതി ജഡ്ജി ജോണ്‍ ഡോര്‍സി കോടതിയലക്ഷ്യത്തിന് പിഴ ചുമത്തി. കമ്പനിയിലെ 4440 കോടി രൂപ കാണാതായതിനെക്കുറിച്ച് മറുപടി നല്‍കണമെന്ന് ആവശ്യപ്പെട്ടിട്ടും മൗനം പാലിച്ചതിനാണ് യുഎസിലെ ഡെലാവെയര്‍ കോടതി ജഡ്ജി ജോണ്‍ ഡോര്‍സിയുടെ ഈ ശിക്ഷാവിധി.ബൈജൂസിന്റെ കമ്പനിയായ തിങ്ക് ആന്‍റ് ലേണിന്റെ ഡയറക്ടരാണ് റിജു രവീന്ദ്രന്.
4440 കോടി രൂപ ബൈജൂസില്‍ നിന്നും വാങ്ങിയെന്ന് പറയുന്ന യുഎസിലെ ഹെഡ്ജ് ഫണ്ടായ കാം ഷാഫ്റ്റഅ ക്യാപ്പിറ്റലിന്റെ മാനേജര്‍ വില്യം മോര്‍ട്ടനെ അറസ്റ്റ് ചെയ്യാനും കോടതി ഉത്തരവിട്ടിട്ടുണ്ട്. പല തവണ ഹാജരാകാന്‍ ആവശ്യപ്പെട്ടിട്ടും ഹാജരാകാത്തതിനാണ് അറസ്റ്റ് വാറണ്ട്.
ഈ പണം എവിടെപ്പോയി എന്നതിന് കൃത്യമായ ഉത്തരം ബൈജു രവീന്ദ്രനോ അദ്ദേഹത്തിന്റെ സഹോദരന്‍ റിജു രവീന്ദ്രനോ നല്‍കുന്നില്ല.
ഈ തുക വിദേശത്തെ ഒരു അക്കൗണ്ടില്‍ ഉണ്ടെന്ന് യുഎസ് കോടതി നടപടികള്‍ക്കിടയില്‍ കണ്ടെത്തിയതായി പറയുന്നു. സാമ്പത്തികസുതാര്യത ഇല്ലാത്തതിനാലും വാഗ്ദാനം ചെയ്തതുപോലെ തിരിച്ചടവില്ലാത്തതിനാലും നേരത്തെ ബൈജൂസിന് വായ്പ നല്കിയ അമേരിക്കന്‍ നിക്ഷേപകര്‍ ഇപ്പോള്‍ പുതിയ നിക്ഷേപം ബൈജൂസില്‍ ഇറക്കാത്തതാണ് കമ്പനിയുടെ താളം തെറ്റിച്ചിരിക്കുന്നത്. അതിനിടെയാണ് ബൈജു രവീന്ദ്രന്റെയും സഹോദരന്‍ റിജു രവീന്ദ്രന്റെയും സത്യസന്ധതയെ ചോദ്യം ചെയ്യുന്ന രീതിയില്‍ അപ്രത്യക്ഷമായ 4440 കോടി രൂപ (5300 ലക്ഷം ഡോളര്‍) എവിടെപ്പോയി എന്ന ചോദ്യം ഉയരുന്നത്.
ചൊവ്വാഴ്ച അമേരിക്കയിലെ ഡെലാവെയറിലെ വില്‍മിംഗ്ടണിലെ കോടതിയിലെ ബാങ്ക് റപ്റ്റ്സി ജഡ്ജി ജോണ്‍ ഡോര്‍സി പറയുന്നത് റിജു രവീന്ദ്രന് ഈ പണം എവിടെ എന്ന് കണ്ടെത്താന്‍ ഗൗരവതരമായ പരിശ്രമങ്ങള്‍ ഒന്നും നടത്തിയിട്ടില്ലെന്നാണ്. “ഈ അപ്രത്യക്ഷമായ വമ്പന്‍തുകയെപ്പറ്റി ബൈജു രവീന്ദ്രന് നല്കിയ സത്യവാങ്മൂലം സത്യസന്ധമല്ലെന്ന് ഞാന്‍ പറയുന്നു”- ജഡ്ജി ജോണ്‍ ഡോര്‍സി വിശദമാക്കി.
വായ്പ എടുത്തവര്‍ക്ക് 120 കോടി ഡോളര്‍ തിരിച്ചടയ്‌ക്കാനിരിക്കെ ബൈജു രവീന്ദ്രന്റെ തിങ്ക ആന്‍റ് ലേണ്‍ എന്ന കമ്പനിയുടെ ഭാഗമായ ആല്‍ഫ ഇന്‍കോ. ആണ് ഈ 4440 കോടി രൂപ മറച്ചത്. ആല്‍ഫ ഇന്‍കോ. എന്ന കമ്പനിയെ പാപ്പരായി പ്രഖ്യാപിച്ചതിന് പിന്നാലെയാണ് 4440 കോടി രൂപ അമേരിക്കയിലെ ഫ്ലോറിഡയിലെ ഹെഡ്ജ് ഫണ്ടായ കാം ഷാഫ്റ്റ് കാപ്പിറ്റല്‍ ഫണ്ടിന് ഇത്രയും തുക രഹസ്യമായി കൈമാറിയിരിക്കുന്നത്. ഇതോടെയാണ് ആല്‍ഫയില്‍ നിന്നും 120 കോടി ഡോളര്‍ ലഭിക്കാനുള്ള കമ്പനികള്‍ യുഎസ് കോടതിയെ സമീപിച്ചത്. ഈ കേസിലാണ് ഇപ്പോള്‍ വാദം കേള്‍ക്കല്‍ നടക്കുന്നത്.
ഈ ശിക്ഷ ബാധിക്കില്ലെന്ന് ബൈജൂസ്
ഡെലാവെയര്‍ കോടതി വിധിച്ച കോടതിയലക്ഷ്യത്തിനുള്ള പിഴ ബൈജു രവീന്ദ്രന്റെ സഹോദരന്‍ റിജു രവീന്ദ്രനെ യാതൊരുവിധത്തിലും ബാധിക്കില്ലെന്നാണ് ബൈജൂസിന്റെ വിശദീകരണം. ഡെലാവെയറിലെ കോടതിക്ക് ഇന്ത്യക്കാരനായ റിജു രവീന്ദ്രനെതിരെ കോടതിയലക്ഷ്യത്തിന് പിഴ ഈടാക്കാന്‍ നിയമാധികാരമില്ലെന്നാണ് വിലയിരുത്തല്‍. ആ ശിക്ഷാവിധി ഡെലാവെയര്‍ കോടതിക്ക് നടപ്പാക്കാനാവില്ലെന്നും ചില നിയമവിദഗ്ധര്‍ പറയുന്നു.
കാണാതായെന്ന് പറയുന്ന 4440 കോടി രൂപ യുഎസിലെ ഒരു ഹെഡ്ജ് ഫണ്ടില്‍ നിക്ഷേപിച്ചിട്ടുണ്ടെന്നാണ് അറിയുന്നത്. ഈ പണം റിജു രവീന്ദ്രനോ ബൈജു രവീന്ദ്രനോ അദ്ദേഹത്തിന്റെ ഭാര്യ ദിവ്യ ഗോകുല്‍നാഥോ ഉപയോഗിക്കാതിരിക്കാനാണ് കോടതിയുടെ ഈ വിധിയെന്നും ചൂണ്ടിക്കാണിക്കപ്പെടുന്നു.
പ്രതികരിക്കാൻ ഇവിടെ എഴുതുക: