കൊച്ചി : ആലുവ എടയപ്പുറത്ത് നിന്ന് കാണാതായ ഇതര സംസ്ഥാന തൊഴിലാളിയുടെ മകളെ കണ്ടെത്തി. അങ്കമാലിയില് ഇതര സംസ്ഥാന തൊഴിലാളികള് താമസിക്കുന്ന പ്രദേശത്ത് നിന്നാണ് കുട്ടിയെ കണ്ടുകിട്ടിയത്.
ഞായറാഴ്ച വൈകിട്ട് 5 മണിക്ക് കടയില് സാധനം വാങ്ങാന് പോയ 12 വയസുകാരിയെ കാണാതാവുകയായിരുന്നു. പെണ്കുട്ടി ആറു മണിയായിട്ടും തിരികെ എത്താത്തതിനെ തുടര്ന്ന് ആലുവ ഈസ്റ്റ് പൊലീസ് സ്റ്റേഷനില് മാതാപിതാക്കള് പരാതി നല്കി. പിന്നാലെ പൊലീസ് നടത്തിയ അന്വേഷണത്തിലാണ് കുട്ടിയെ കണ്ടെത്തിയത്.
സിസിടിവി ക്യാമറകള് പരിശോധിച്ചതില്നിന്ന് പെണ്കുട്ടി നടന്നു പോകുന്നതും രണ്ടുപേര് പെണ്കുട്ടിയെ പിന്തുടരുന്ന ദൃശ്യങ്ങളും ലഭിച്ചിരുന്നു.
പശ്ചിമബംഗാള് സ്വദേശികളുടെ മകളാണ്. ഇതേ സ്ഥലത്തുനിന്നു മറ്റു മൂന്ന് അതിഥി തൊഴിലാളികളെ കൂടി കാണാതായിട്ടുണ്ട്. ഇവര് കുട്ടിയെ തട്ടിക്കൊണ്ടു പോയതാകാമെന്നായിരുന്നു പൊലീസ് സംശയിച്ചത്.
