കൊച്ചി : മരടിലും മത്സ്യങ്ങള്‍ ചത്തുപൊങ്ങി. തുടര്‍ന്ന് കുഫോസിന്റെ നേതൃത്വത്തില്‍ പരിശോധന നടത്തി.
ചിത്രപ്പുഴയിലും പെരിയാറിലും മത്സ്യങ്ങള്‍ കൂട്ടത്തോടെ ചത്തുപൊങ്ങിയതിന് പിന്നാലെയാണ് ഇപ്പോഴത്തെ സംഭവം.മരട് കുണ്ടന്നൂരിന് സമീപം കായലില്‍ കൂട് മത്സ്യക്കൃഷി ചെയ്യുന്നവരുടെ മീനുകളാണ് ചത്തത്. ഇന്നലെ വൈകിട്ടോടെയാണ് മീനുകള്‍ ചാകുന്നത് ശ്രദ്ധയില്‍പ്പെട്ടത്. കുഫോസ് അധികൃതരെ വിവരമറിയിച്ച പ്രകാരമാണ് അവര്‍ പരിശോധന നടത്തിയത്. മീനുകള്‍ ചത്തതിന് കാരണം എന്താണെന്ന് നിലവില്‍ വ്യക്തമല്ല. രാസമാലിന്യമാണോ കാരണമെന്ന് പരിശോധിക്കുന്നുണ്ട്.
മരടിലെ പൊളിച്ച ഫ്‌ലാറ്റുകള്‍ക്ക് സമീപമാണ് കൂട് മത്സ്യകൃഷി.
അതേസമയം പെരിയാറിലെ മത്സ്യക്കുരുതിയില്‍ മലിനീകരണ നിയന്ത്രണ ബോര്‍ഡിന്റെ വാദങ്ങള്‍ കുഫോസ് തള്ളി. പെരിയാറില്‍ അമോണിയയും സള്‍ഫൈഡും അപകടകരമായ അളവിലെന്നാണ് കുഫോസിന്റെ റിപ്പോര്‍ട്ട്. എന്നാല്‍ മത്സ്യങ്ങള്‍ ചത്ത് പൊങ്ങിയതിന് പിന്നില്‍ രാസമാലിന്യമല്ലെന്ന റിപ്പോര്‍ട്ടാണ് മലിനീകരണ നിയന്ത്രണ ബോര്‍ഡിന്റേത്.
പ്രതികരിക്കാൻ ഇവിടെ എഴുതുക: