പട്‌ന (ബീഹാര്‍): ലോക്‌സഭ തെരഞ്ഞെടുപ്പ് രാജ്യത്തിന്റെ പ്രധാനമന്ത്രിയെ തെരഞ്ഞെടുക്കാനുള്ളതാണ്. അതുകൊണ്ടുതന്നെ ഭാരതത്തിന്റെ ശക്തി ലോക വേദിയില്‍ അവതരിപ്പിക്കാന്‍ കഴിയുന്ന ഒരു പ്രധാനമന്ത്രിയെയാണ് രാജ്യത്തിന് ആവശ്യമെന്നും പ്രധാനമന്ത്രി നരേന്ദ്ര മോദി പറഞ്ഞു. എന്നാല്‍ ഇന്‍ഡി സഖ്യം എന്താണ് പ്രതിനിദാനം ചെയ്യുന്നത്. അവരുടെ സംഖ്യം വര്‍ഗീയവും ജാതീയവും കുടുംബാധിപത്യപരവുമാണെന്ന് മോദി പ്രതികരിച്ചു.
ലോക്‌സഭാ തെരഞ്ഞെടുപ്പ് എംപിമാരെ തെരഞ്ഞെടുക്കാന്‍ മാത്രമല്ല, രാജ്യത്തിന്റെ പ്രധാനമന്ത്രി ആരാകണം എന്നുള്ളതിനും കൂടിയാണെന്ന് ബീഹാറിലെ ഒരു റാലിയെ അഭിസംബോധന ചെയ്യവെ പ്രധാനമന്ത്രി പറഞ്ഞു. നിങ്ങളുടെ വോട്ട് പ്രധാനമന്ത്രിയെ തിരഞ്ഞെടുക്കാന്‍ പോകും വിധം ശക്തമാണ്. ഇന്ത്യയുടെ പ്രധാനമന്ത്രി എങ്ങനെയായിരിക്കണം? ഈ ശക്തമായ രാജ്യത്തിന്റെ കഴിവ് ലോകത്തിനു മുമ്പ് പ്രകടിപ്പിക്കാന്‍ കഴിയുന്ന തരത്തിലായിരിക്കണം പ്രധാനമന്ത്രിയെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: