വിദ്യാർത്ഥിനി കടലിൽ ചാടി മരിച്ചു; സംഭവം വർക്കലയിൽ

തിരുവനന്തപുരം: വർക്കലയിൽ വിദ്യാർത്ഥിനിയും സുഹൃത്തും കടലിൽ ചാടി ജീവനൊടുക്കാൻ ശ്രമിച്ചു. സംഭവത്തിൽ പെൺകുട്ടി മരിച്ചു. ഇടവ സ്വദേശിനി ശ്രേയയാണ് മരിച്ചത്. 14 വയസായിരുന്നു. കാപ്പിൽപൊഴി ഭാഗത്ത് നിന്നാണ് മൃതദേഹം കണ്ടെത്തിയത്.

ഇന്ന് ഉച്ചയ്‌ക്ക് 12 മണിയോടെയായിരുന്നു സംഭവം. സ്‌കൂൾ യൂണിഫോമിലാണ് വിദ്യാർത്ഥിനിയെ കണ്ടെത്തിയത്. സുഹൃത്തിനൊപ്പം വിദ്യാർത്ഥിനി കരയിൽ നിൽക്കുന്നതും കടലിലേക്ക് ചാടുന്നതും മത്സ്യത്തൊഴിലാളികളാണ് കണ്ടത്. ഇവരാണ് ഉടൻ അയിരൂർ പൊലീസിൽ വിവരം അറിയിച്ചത്.

പൊലീസും ഫയർഫോഴ്‌സും സംഭവ സ്ഥലത്തെത്തി തിരച്ചിൽ നടത്തവെയാണ് പെൺകുട്ടിയുടെ മൃതദേഹം കാപ്പിൽ പൊഴിതീരത്ത് നിന്ന് ലഭിച്ചത്.