കൊച്ചി: മഞ്ഞപ്പിത്തം പടര്ന്നു പിടിക്കുന്ന വെങ്ങൂരില് ഒരു മരണം കൂടി സ്ഥിരീകരിച്ചു. എറണാകുളം ജില്ലയിലെ പെരുമ്പാവൂരിനു സമീപമുള്ള പ്രദേശത്ത് മഞ്ഞപ്പിത്തബാധയെ തുടര്ന്ന് കരിയാമ്പുറത്ത് കാര്ത്യായനി (51) ആണ് മരിച്ചത്.
മഞ്ഞപ്പിത്തം ബാധിച്ച് ആശുപത്രിയില് ചികിത്സയിലിരിക്കെ കഴിഞ്ഞ ദിവസം രാത്രി പത്ത് മണിയോടെയാണ് മരണം. മഞ്ഞപ്പിത്തം സ്ഥിരീകരിച്ചതിനെ തുടര്ന്ന് ആദ്യം പെരുമ്പാവൂര് ആശുപത്രിയില് പ്രവേശിപ്പിച്ച കാര്ത്യായനിയെ പിന്നീട് വിദഗ്ധ ചികിത്സയ്ക്കായി കോട്ടയം മെഡിക്കല് കോളേജിലേക്കു മാറ്റിയിരുന്നു. പെരുമ്പാവൂരിലെ മഞ്ഞപ്പിത്ത ബാധിതരുടെ എണ്ണം 227 ആയി. വിവിധ ആശുപത്രികളിലായി 45 ഓളം പേര് ചികിത്സയിലാണ്. ഇതില് മൂന്ന് പേരുടെ നില ഗുരുതരമായി തുടരുകയാണ്,
