ആര്എസ്എസ് ആണ് തന്നെ ധീരതയും ജനങ്ങളെ തുല്യതയോടെ കാണാനുള്ള മനോഭാവവും പഠിപ്പിച്ചതെന്ന് കല്ക്കത്ത ഹൈക്കോടതി ജസ്റ്റിസ് ചിത്ത രഞ്ജന് ദാസ്. കല്ക്കത്ത ഹൈക്കോടതിയില് നിന്നും 37 വര്ഷത്തെ സേവനത്തിന് ശേഷം വിരമിക്കുന്ന ദിവസമായിരുന്നു ജസ്റ്റിസ് ചിത്തരഞ്ജന് ദാസിന്റെ ഈ വെളിപ്പെടുത്തല്.
വിരമിക്കുന്ന ദിവസത്തെ ഓപ്പണ് കോര്ട്ടിലായിരുന്നു ഇദ്ദേഹം ഇക്കാര്യം പറഞ്ഞത്. “ആര്എസ്എസിനോട് ഞാന് ഏറെ കടപ്പെട്ടിരിക്കുന്നു. വീണ്ടും ആര്എസ്എസില് ചേരാനും തയ്യാറാണ്. ബാല്യം മുതല് യൗവനം വരെ ഞാന് ആര്എസ്എസില് അംഗമായിരുന്നു”- അദ്ദേഹം പറഞ്ഞു.
“സര്വ്വീസിലിരുന്ന 37 വര്ഷവും ആര്എസ്എസില് നിന്നും ദൂരം പാലിച്ച് കഴിയുകയായിരുന്നു. ഇനി അതിന്റെ ആവശ്യമില്ല. വീണ്ടും ആര്എസ്എസില് ചേരാന് ഒരുക്കമാണ്. ആര്എസ് എസ് ആണ് എന്നെ തുല്യതയും ധീരതയും പഠിപ്പിച്ചത്.” – അദ്ദേഹം പറഞ്ഞു.
