ടെഹ്റാന്: ഹെലികോപ്റ്റര് അപകടത്തില്പെട്ട ഇറാന് പ്രസിഡന്റ് ഇബ്രാഹിം റെയ്സി മരണപ്പെട്ടെന്ന് സ്ഥിരീകരിച്ച് ഇറാന് മാധ്യമങ്ങള്. അപകടത്തില് ഇറാന് പ്രസിഡന്റും വിദേശകാര്യമന്ത്രിയും ഉള്പ്പെടെ ഹെലികോപ്റ്ററിലുണ്ടായിരുന്ന എല്ലാരും മരിച്ചെന്നാണ് റിപ്പോര്ട്ട്.
ഹെലികോപ്ടറിന് സമീപത്തുനിന്നും ഇവരുടെ മൃതദേഹാവശിഷ്ടങ്ങള് കണ്ടെത്തി. എന്നാല് ചില മൃതദേഹങ്ങള് പൂര്ണമായും കത്തിക്കരിഞ്ഞ നിലയിലാണെന്നും തിരിച്ചറിയാന് കഴിയുന്നില്ലെന്നും രക്ഷാപ്രവര്ത്തകര് അറിയിച്ചതായാണ് റിപ്പോര്ട്ട്.
അപകടത്തില് ജീവനോടെ ആരും രക്ഷപ്പെട്ടതിന്റെ സൂചനകളൊന്നും സ്ഥലത്ത് നിന്നും ലഭിച്ചിട്ടില്ലെന്ന് അന്താരാഷ്ട്ര വാര്ത്താ ഏജന്സികള് നേരത്തെ റിപ്പോര്ട്ട് ചെയ്തത്. തകര്ന്ന ഹെലികോപ്റ്ററും രക്ഷാപ്രവര്ത്തകര് കണ്ടെത്തിയെങ്കിലും ആദ്യഘട്ട പരിശോധനയില് സമീപത്തായി ആരെയും കണ്ടെത്താനായിരുന്നില്ല. തുടര്ന്ന് നടത്തിയ പരിശോധനയില് ജീവനോടെ ആരും അവശേഷിക്കുന്നില്ലെന്നാണ് രക്ഷാപ്രവര്ത്തകര് അറിയിച്ചത്.
