മാഞ്ചസ്റ്റര്: ഇംഗ്ലീഷ് പ്രീമിയര് ലീഗില് ചരിത്രം കുറിച്ച് മാഞ്ചസ്റ്റര് സിറ്റി. പരിശീലകന് പെപ്പ് ഗ്വാര്ഡിയോളയ്ക്ക് കീഴില് ടീം തുടര്ച്ചയായ നാലാം കിരീടം സ്വന്തമാക്കി.
ഇന്നലെ നടന്ന ലീഗിലെ അവസാന മത്സരത്തില് വെസ്റ്റ്ഹാമിനെ തോല്പ്പിച്ചാണ് സിറ്റി ചരിത്രനേട്ടം സ്വന്തമാക്കിയത്. ഒന്നിനെതിരെ മൂന്ന് ഗോളുകള്ക്കായിരുന്നു സിറ്റിയുടെ വിജയം.
38 കളികളില് നിന്ന് 28 വിജയവും ഏഴ് സമനിലയുമായി 91 പോയിന്റുകള് നേടിക്കൊണ്ടാണ് മാഞ്ചസ്റ്റര് സിറ്റി 2023-24 പ്രീമിയര് ലീഗ് ജേതാക്കളായത്. തൊട്ടുത്തുള്ള ആഴ്സണല് 38 കളികളില് നിന്ന് 87 പോയിന്റാണ് നേടിയത്.
ഇന്നലെ നടന്ന നിര്ണായക പോരാട്ടത്തില് സിറ്റിക്കുവേണ്ടി സൂപ്പര് താരം ഫില് ഫോഡന് ഇരട്ടഗോള് നേടി. കളിയുടെ രണ്ടാം മിനിറ്റിലും 18-ാം മിനിറ്റിലുമായിരുന്നു താരത്തിന്റെ ഗോള്. ഇതിനെതിരെ 42-ാം മിനിറ്റില് വെസ്റ്റ്ഹാം മുഹമ്മദ് കുഡൂസിലൂടെ തിരിച്ചടിച്ചു.
രണ്ടാം പുകതിയില് കളിക്ക് 59 മിനിറ്റെത്തിയപ്പോള് റോഡ്രി സിറ്റിയുടെ ലീഡ് ഉര്ത്തി.
