77ാമത് കാന് ഫിലിം ഫെസ്റ്റിവലില് മെഗലോപോളിസ് എന്ന ചിത്രത്തിന്റെ പ്രീമിയര് വേദിയിലെ ഐശ്വര്യ റായിയുടെ ചിത്രങ്ങള് സോഷ്യല് മീഡില് ഏറ്റെടുത്തു. ഗോള്ഡന് പാറ്റേണുകള് കൊണ്ട് അലങ്കരിച്ച ഗൗണിലാണ് അവര് റെഡ് കാര്പെറ്റിലെത്തിയത്.
ഫാല്ഗുനിയും ഷെയ്നും ചേര്ന്ന് രൂപകല്പന ചെയ്ത വസ്ത്രത്തില്, സ്വര്ണ്ണ പൂക്കള് കൊണ്ട് അലങ്കരിച്ച നീണ്ട അലുക്കുകളും ഉണ്ടായിരുന്നു.പരുക്കേറ്റ വലതു കൈയില് പ്ളാസ്റ്റര് ഇട്ടിരുന്നുവെങ്കിലും അതിനെ വെല്ലുന്ന വേഷപ്പകര്ച്ചയിലായിരുന്നു താരം.
റെഡ് കാര്പെറ്റില് പ്രത്യക്ഷപ്പെടുന്നതിന് മുമ്പ് ഐശ്വര്യ റായ് മകള് ആരാധ്യ ബച്ചനൊപ്പം നടക്കുന്ന വീഡിയോകള് വ്യാപകമായി പ്രചരിച്ചിരുന്നു. ലോറിയല് പാരീസിന്റെ ബ്രാന്ഡ് അംബാസഡറായാണ് ഐശ്വര്യ റായ് കാന് ഫെസ്റ്റിവലില് പങ്കെടുക്കുന്നത്.
2002-ല് ഷാരൂഖ് ഖാനും സഞ്ജയ് ലീല ബന്സാലിക്കുമൊപ്പം ദേവദാസ് എന്ന ചിത്രത്തിന്റെ പ്രീമിയറിനായാണ് ഐശ്വര്യ റായ് കാനില് അരങ്ങേറ്റം കുറിച്ചത്. അതിന് ശേഷം, സ്ഥിരം സാന്നിദ്ധ്യവും കാന് ജൂറിയുടെ ഭാഗമായ ആദ്യത്തെ ഇന്ത്യന് നടിയുമായി ഐശ്വര്യ റായ് മാറി.
