ന്യൂദല്‍ഹി: സ്വാതി മാലിവാളിനെ കെജ്രിവാളിന്റെ പിഎ ബിഭവ് കുമാര്‍ മര്‍ദ്ദിച്ചത് ബിജെപിയുടെ ഗൂഢാലോചനയാണെന്ന് ആരോപിച്ച ആം ആദ്മി നേതാവും മന്ത്രിയുമായ അതിഷിയ്ക്കെതിരെ പൊട്ടിത്തെറിച്ച് സ്വാതി മാലിവാള്‍. ഒരു ഗുണ്ടയെ രക്ഷിക്കാന്‍ തന്റെ വ്യക്തിത്വത്തെ ചോദ്യം ചെയ്യുകയാണ് അതിഷി ചെയ്തതെന്ന് സ്വാതി മാലിവാള്‍ പറഞ്ഞു.
“ഇന്നലെ വന്ന ചില നേതാക്കള്‍ (അതിഷിയെ ഉദ്ദേശിച്ച്) 20 വര്‍ഷമായി പാര്‍ട്ടിയില്‍ പ്രവര്‍ത്തിച്ച എന്നെ ബിജെപി ഏജന്‍റാക്കുന്നു. രണ്ട് ദിവസം മുന്‍പ് സത്യം അംഗീകരിച്ച പാര്‍ട്ടി ഇന്ന് യുടേണ്‍ എടുക്കുന്നു. തന്നെ അറസ്റ്റു ചെയ്താല്‍ പാര്‍ട്ടിയുടെ എല്ലാ രഹസ്യങ്ങളും വെളിപ്പെടുത്തുമെന്നാണ് ബിഭവ് കുമാര്‍ ഭീഷണിപ്പെടുത്തുന്നത്. ഈ ഗുണ്ട പാര്‍ട്ടിയെ ഭീഷണിപ്പെടുത്തുകയാണ്. അയാളുടെ സമ്മര്‍ദ്ദം കാരണം ആം ആദ്മി പാര്‍ട്ടി ആ ഗുണ്ടയ്‌ക്ക് സംരക്ഷണം നല്‍കുന്നു.” – സ്വാതി മാലിവാള്‍ ആരോപിച്ചു.
പ്രതികരിക്കാൻ ഇവിടെ എഴുതുക: