ഇന്നലെ രാവിലെയോടെയാണ് ഭാരതത്തിന്റെ ഇതിഹാസ ഫുട്ബോളര് സുനില് ഛേത്രി വിരമിക്കുന്ന കാര്യം എക്സിലൂടെ ലോകത്തെ അറിയിച്ചത്.
മിനിറ്റുകള്ക്കകം വിവരം ലോകവ്യാപകമായി. പിന്നാലെ ഭാരതത്തിലെ പല കായിക താരങ്ങളും ഇത് ഏറ്റെടുത്തു. മുന് ഭാരത ക്രിക്കറ്റ് നായകന് വിരാട് കോഹ്ലി അഭിമാനം എന്നാണ് എക്സില് കുറിച്ചത്.
ഭാരതത്തിന്റെ ഒളിംപിക്സ് സ്വര്ണ മെഡല് ജേതാവ് നീരജ് ചോപ്ര കുറിച്ചതിങ്ങനെ- താങ്കളൊരു പ്രചോദനമാണ്, കൂടാതെ ഭാരത കായിക രംഗത്ത് നിങ്ങള് ഉണ്ടാക്കിയ പ്രതിഫലനം ഒരുകാലത്തും മായ്ച്ചുകളയാനാവാത്തതാണ്. ഇത്തരത്തിലൊന്ന് എന്നെങ്കിലും കാണേണ്ടിവരണമെന്ന് ആഗ്രഹിച്ചിരുന്നില്ല, പക്ഷെ എന്തുകൊണ്ടിങ്ങനെ സംഭവിക്കുന്നുവെന്ന് ഞാനറിയുന്നു, ആറിന് രാജ്യമൊന്നാകെ നിങ്ങളുടെ അന്താരാഷ്ട്ര കരിയറിനെ ആഘോഷിക്കും എന്ന് ഭാരത ഫുട്ബോള് ഗോള് കീപ്പര് ഗുര്പ്രീത് സിങ് കുറിച്ചു. ആശംസാ കുറിപ്പിട്ടുകൊണ്ടാണ് ബാഡ്മിന്റണ് താരം പി.വി.സിന്ധു വരവേറ്റത്.
