തിരുവനന്തപുരം : അന്താരാഷ്ട്ര കുടുംബദിനത്തോടനുബന്ധിച്ച് തപാല്‍ വകുപ്പിന്റെ തിരുവനന്തപുരം, കൊച്ചി, തൃശൂര്‍, കോഴിക്കോട് ഫിലാറ്റലിക് ബ്യൂറോകള്‍ സ്പെഷ്യല്‍ ക്യാന്‍സലേഷന്‍ സ്റ്റാമ്പ് പുറത്തിറക്കി. ജനറല്‍ പോസ്റ്റ് ഓഫീസ് ഡെപ്യൂട്ടി പോസ്റ്റ്മാസ്റ്റര്‍ സുജിത് കുമാര്‍ തിരുവനന്തപുരത്ത് സ്റ്റാമ്പ് പ്രകാശനം ചെയ്തു. ‘കുടുംബങ്ങളും കാലാവസ്ഥാ വ്യതിയാനവും’ എന്നതാണ് 2024 ലെ അന്താരാഷ്ട്ര കുടുംബ ദിനത്തിന്റെ പ്രമേയം.
ഇതോടൊപ്പം തപാല്‍ വകുപ്പ് കേരള സര്‍ക്കിള്‍ ഓഗ്മെന്റഡ് റിയാലിറ്റി കാര്‍ഡുകളും പുറത്തിറക്കി. കേരളത്തിലെ തൃശൂര്‍ പൂരവും പുലികളിയും വടക്കുംനാഥക്ഷേത്രവും കലാമണ്ഡലവും ആതിരപ്പിള്ളിയും കര്‍ണാടകയിലെ മൈസൂര്‍ കൊട്ടാരവും ഹംപി കല്‍രഥവും യക്ഷഗാനവും റിയാലിറ്റി കാര്‍ഡുകളില്‍ ദൃശ്യവത്ക്കരിച്ചിരിക്കുന്നു. കര്‍ണാടക, ഗോവ സര്‍ക്കിളുകള്‍ക്ക് ശേഷം കേരളമാണ് ഓഗ്മെന്റഡ് റിയാലിറ്റി കാര്‍ഡുകള്‍ പുറത്തിറക്കുന്നത്.
തപാല്‍ വകുപ്പ് ഡിജിറ്റല്‍ മേഖലയില്‍ പ്രവര്‍ത്തിക്കുന്ന ഫ്ളിപ്പാര്‍ ഗോ എന്ന സ്വകാര്യ കമ്പനിയുമായി സഹകരിച്ചാണ് ഓഗ്മെന്റഡ് റിയാലിറ്റി കാര്‍ഡുകള്‍ പുറത്തിറക്കിയിട്ടുള്ളത്. ഫ്ളിപ്പാര്‍ ഗോ എന്ന മൊബൈല്‍ ആപ്ലിക്കേഷന്‍ വഴി കാര്‍ഡിലെ ഉള്ളടക്കത്തിന്റെ ചരിത്രവും പരിണാമവും സചിത്ര വിവരണത്തോടെ കാണാനാകും. ചില കാര്‍ഡുകളിലെ ചിത്രങ്ങള്‍ 3ഡി ദൃശ്യാനുഭവത്തോടെയും കാണാം.
പ്രതികരിക്കാൻ ഇവിടെ എഴുതുക: