കോയമ്പത്തൂർ-മംഗലാപുരം റൂട്ടിൽ ശനിയാഴ്ച ദിവസങ്ങളിൽ പ്രത്യേക ട്രെയിൻ സർവീസ്

കോയമ്പത്തൂർ: യാത്രക്കാരുടെ തിരക്ക് പരിഗണിച്ച് കോയമ്പത്തൂർ-മംഗലാപുരം റൂട്ടിൽ മെയ് 18 മുതൽ ജൂൺ 29 വരെ പ്രത്യേക സർവീസുകൾ അനുവദിച്ച് റെയിൽവേ മന്ത്രാലയം. ശനിയാഴ്ചകളിലാകും പ്രത്യേക സർവീസ് ഉണ്ടാകുക. 06042 നമ്പർ ട്രെയിൻ കോയമ്പത്തൂരിൽ നിന്ന് രാത്രി 10.15-ന് സർവീസ് ആരംഭിക്കും.

തൊട്ടടുത്ത ദിവസം രാവിലെ 6.55-ന് മംഗലാപുരത്ത് എത്തും. തിരികെ 06041 നമ്പർ ട്രെയിൻ മംഗലാപുരം ജംഗ്ഷനിൽ നിന്ന് രാവിലെ 9.30-ന് പുറപ്പെട്ട് വൈകിട്ട് 6.15-ന് കോയമ്പത്തൂരിലെത്തും. പോത്തനൂർ, പാലക്കാട്, ഒറ്റപ്പാലം, ഷൊർണൂർ, തിരൂർ, കോഴിക്കോട്, വടകര, തലശ്ശേരി, കണ്ണൂർ, പയ്യന്നൂർ, കാസർകോഡ് എന്നിവിടങ്ങളിൽ സ്‌റ്റോപ്പ് അനുവദിച്ചിട്ടുണ്ട്.