ബ്രയിൻ ഈറ്റിംഗ് അമീബിയ സ്ഥിരീകരിച്ചു; കോഴിക്കോട് അഞ്ച് വയസുകാരി വെന്റിലേറ്ററിൽ

കോഴിക്കോട്: ബ്രയിൻ ഈറ്റിംഗ് അമീബിയ ബാധിച്ച് അഞ്ച് വയസുകാരി ഗുരുതരാവസ്ഥയിൽ. മലപ്പുറം സ്വദേശിയായ കുട്ടിയാണ് ചികിത്സയിൽ കഴിയുന്നത്. കോഴിക്കോട് മെഡിക്കൽ കോളേജ് ആശുപത്രിയിലാണ് കുട്ടി ചികിത്സയിലുള്ളത്.

കഴിഞ്ഞ ദിവസം കടലുണ്ടി പുഴയിൽ കുളിച്ചതിന് ശേഷമാണ് കുട്ടിക്ക് രോഗലക്ഷണങ്ങൾ പ്രകടമായത്. ഇതിന് ശേഷം മെയ് 10-നാണ് കുട്ടിയെ ആശുപത്രിയിൽ പ്രവേശിപ്പിക്കുന്നത്. കുട്ടി ഗുരുതരാവസ്ഥയിൽ വെന്റിലേറ്ററിലാണുള്ളത്. കൂടാതെ മൂന്ന് കുട്ടികൾ കൂടി സമാന ലക്ഷണങ്ങളെ തുടർന്ന് നിരീക്ഷണത്തിലാണ്.

ഒഴുക്കില്ലാത്ത ജലാശയങ്ങളിലാണ് അമീത അധികവും കാണപ്പെടുന്നത്. രോഗം പകരുന്നതല്ലെന്നും ആശങ്കപ്പെടേണ്ട സാഹചര്യം നിലവിലില്ലെന്നും അധികൃതർ അറിയിച്ചു.