പാക് അധീന കശ്മീർ ഇന്ത്യയുടെ ഭാഗമാണ്, ഞങ്ങൾ അത് ഏറ്റെടുക്കും : അമിത് ഷാ

സെറാംപൂർ : പാക് അധീന കശ്മീർ ഇന്ത്യയുടെ ഭാഗമാണെന്നും തങ്ങൾ അത് ഏറ്റെടുക്കുമെന്നും ഉറപ്പിച്ച് പറഞ്ഞ് കേന്ദ്ര ആഭ്യന്തര മന്ത്രി അമിത് ഷാ. പാകിസ്ഥാൻ അധിനിവേശ കശ്മീരിലെ പ്രതിഷേധങ്ങളെ പരാമർശിച്ച് സെറാംപൂരിൽ ഒരു റാലിയെ അഭിസംബോധന ചെയ്തുകൊണ്ട് ഷാ പറഞ്ഞു.

2019-ൽ ആർട്ടിക്കിൾ 370 റദ്ദാക്കിയതിന് ശേഷം ഒരിക്കൽ പ്രശ്‌നബാധിതമായ കശ്മീരിൽ സമാധാനം തിരിച്ചെത്തിയിരിക്കുകയാണ്. എന്നാൽ ഇപ്പോൾ പാക് അധീന കശ്മീരിൽ ആസാദി മുദ്രാവാക്യങ്ങളും പ്രതിഷേധങ്ങളും പ്രതിധ്വനിക്കുന്നുണ്ടെന്ന് അദ്ദേഹം പറഞ്ഞു.

“2019-ൽ സർക്കാർ ആർട്ടിക്കിൾ 370 റദ്ദാക്കിയതിന് ശേഷം കശ്മീരിൽ സമാധാനം തിരിച്ചെത്തി. എന്നാൽ ഇപ്പോൾ ഞങ്ങൾ പാക് അധീന കശ്മീരിൽ പ്രതിഷേധത്തിന് സാക്ഷ്യം വഹിക്കുന്നു.

നേരത്തെ ആസാദിയുടെ മുദ്രാവാക്യങ്ങൾ ഇവിടെ കേട്ടിരുന്നു. ഇപ്പോൾ അതേ മുദ്രാവാക്യങ്ങൾ പിഒകെയിലും കേൾക്കുന്നു. നേരത്തെ ഇവിടെ കല്ലേറുണ്ടായി. ഇപ്പോൾ പിഒകെയിൽ കല്ലെറിയുന്നു, ”- അദ്ദേഹം പറഞ്ഞു.