ഷിംല: ബോളിവുഡ് നടിയും ഹിമാചല് പ്രദേശിലെ ബിജെപി സ്ഥാനാര്ത്ഥിയുമായ കങ്കണ റണാവത്ത് നാമനിര്ദേശ പത്രിക സമര്പിച്ചു. മാണ്ഡി മണ്ഡലത്തില് നിന്നാണ് അവര് മത്സരിക്കുന്നത്. അമ്മ ആശ, സഹോദരി രംഗോളി, പ്രതിപക്ഷ നേതാവ് ജയറാം താക്കൂര്, ബിജെപി സംസ്ഥാന പ്രസിഡന്റ് രാജീവ് ബിന്ഡാല് എന്നിവര്ക്കൊപ്പമെത്തിയാണ് കങ്കണ പത്രിക സമര്പിച്ചത്.
ഇന്ന് വളരെ വിശിഷ്ടമായ ദിവസമാണ്. പ്രധാനമന്ത്രി നരേന്ദ്ര മോദി കാശി (വാരാണസി)യില് നിന്നും പത്രിക സമര്പ്പിച്ചു. ഛോട്ടാ കാശിയായ മാണ്ഡിയില് നിന്നും പത്രിക സമര്പ്പിക്കാനുള്ള ഭാഗ്യം തനിക്കുണ്ടായതായും കങ്കണ പറഞ്ഞു.
മാണ്ഡിയിലെ ജനങ്ങളുടെ സ്നേഹം തനിക്ക് ലഭിക്കുന്നുണ്ടെന്ന് കങ്കണ പറഞ്ഞു. എല്ലാ മേഖലകളിലും രാജ്യത്തെ സ്ത്രീകള് വ്യക്തിമുദ്ര പതിപ്പിച്ചിട്ടുണ്ട്. മാണ്ഡിയിലെ സ്ത്രീകളാണ് എന്റെ സൈന്യം. കോണ്ഗ്രസിന്റെ രാജ്യവിരുദ്ധ നിലപാട് എല്ലാവര്ക്കും അറിയാമെന്നും നാമനിര്ദേശപത്രികാസമര്പണത്തിനുശേഷം അവര് പറഞ്ഞു.
