പത്തനംതിട്ട: ഇടവമാസ പൂജകള്‍ക്കായി ശബരിമല ശ്രീധര്‍മശാസ്താ ക്ഷേത്ര നട തുറന്നു. ഇന്നലെ വൈകിട്ട് 5ന് തന്ത്രി കണ്ഠര് മഹേഷ് മോഹനരുടെ സാന്നിധ്യത്തില്‍ മേല്‍ശാന്തി പി.എന്‍. മഹേഷ് നമ്പുതിരി ക്ഷേത്രശ്രീകോവില്‍ നട തുറന്ന് ദീപങ്ങള്‍ തെളിയിച്ചു.
തുടര്‍ന്ന് ഗണപതി, നാഗര്‍ ഉപദേവതാ നടകളും തുറന്ന് വിളക്കുകള്‍ തെളിയിച്ചു. പതിനെട്ടാം പടിക്ക് മുന്നിലുള്ള ആഴിയില്‍ മേല്‍ശാന്തി അഗ്നി തെളിയിച്ചതോടെ ഇരുമുടിക്കെട്ടുമായി അയ്യപ്പഭക്തര്‍ ശരണം വിളികളോടെ പതിനെട്ടാം പടി കയറി അയ്യനെ കണ്ടുതൊഴുതു. തന്ത്രിയും മേല്‍ശാന്തിയും ഭക്തര്‍ക്ക് വിഭൂതി പ്രസാദം വിതരണം ചെയ്തു. മാളികപ്പുറം മേല്‍ശാന്തി മുരളി നമ്പൂതിരി മാളികപ്പുറം ക്ഷേത്ര നടതുറന്ന് ഭക്തര്‍ക്ക് മഞ്ഞള്‍പ്രസാദം നല്‍കി.
പ്രതികരിക്കാൻ ഇവിടെ എഴുതുക: