കോട്ടയം: എല്ഡിഎഫിന് തുടര്ഭരണം ലഭിക്കാന് വഴിയൊരുക്കിയത് കേരള കോണ്ഗ്രസിന്റെ മുന്നണി പ്രവേശനമാണെന്ന് ജോസ് കെ.മാണി എം.പി. പാര്ട്ടി സ്റ്റിയറിംഗ് കമ്മിറ്റി യോഗത്തിന് ശേഷം മാധ്യമ പ്രവര്ത്തകരോടു സംസാരിക്കായിരുന്നു അദ്ദേഹം. ഈ പാര്ലമെന്റ് തെരഞ്ഞെടുപ്പ് ഫലത്തിലും തങ്ങളുടെ ശക്തി പ്രതിഫലിക്കുമെന്ന് ജോസ് അവകാശപ്പെട്ടു. ലോക്സഭാ സീറ്റ് വിഷയം ഇടതുമുന്നണിയില് ചര്ച്ച ചെയ്യും. എല്ഡിഎഫും സിപിഎമ്മും ഉചിതമായ തീരുമാനം കൈക്കൊള്ളുമെന്നാണ് വിശ്വാസം. ഇടുക്കി, പത്തനംതിട്ട, മാവേലിക്കര, കോട്ടയം പാര്ലമെന്റ് സീറ്റുകളില് എല്ഡിഎഫ് വിജയിക്കും. അദ്ദേഹം അവകാശപ്പെട്ടു.
വര്ഗീയത പറഞ്ഞ് രാഷ്ട്രീയനേട്ടം കൊയ്യാനാണ് മോദിയും കൂട്ടരും ശ്രമിക്കുന്നത്. മോദി ഗാരന്റി എന്ന പ്രചാരണം ബിജെപിക്ക് തിരിച്ചടിയായെന്നും അദ്ദേഹം പറഞ്ഞു. യോഗത്തില് മന്ത്രി റോഷി അഗസ്റ്റിന്, കേരള കോണ്ഗ്രസ് എം വൈസ് ചെയര്മാന്മാരായ തോമസ് ചാഴികാടന്, എന്.ജയരാജ്, ജനറല് സെക്രട്ടറി സ്റ്റീഫന് ജോര്ജ്, എംഎല്എമാരെ ജോബ് മൈക്കിള്, പ്രമോദ് നാരായണന്, സെബാസ്റ്റ്യന് കുളത്തുങ്കല് എന്നിവര് പ്രസംഗിച്ചു.
