പാലക്കാട്: വീണ്ടും ട്രെയിനിനുള്ളിൽ ടിടിഇയ്ക്ക് മർദനം. മംഗലാപുരം-തിരുവനന്തപുരം മാവേലി എക്സ്പ്രസിലെ ടിടിഇ രാജസ്ഥാൻ സ്വദേശി വിക്രം കുമാൻ മീണയ്ക്കാണ് മർദനമേറ്റത്. ട്രെയിൻ തിരൂരിലെത്തിയപ്പോഴായിരുന്നു സംഭവം. ടിടി ഇ യെ ആക്രമിച്ച തിരുവനന്തപുരം കരമന സ്വദേശി എസ് സ്റ്റാലിനെ റെയിൽ വേ പോലീസ് അ റസ്റ്റ് ചെയ്തു.
ഇന്നലെ രാത്രി പത്തുമണിയോടെയായിരുന്നു സംഭവം. മൂക്കിന് ഇടിയേറ്റ മീണ ആശുപത്രി ചികിത്സയിലാണ്. ടിക്കറ്റില്ലാതെ റിസർവേഷൻ കോച്ചിൽ യാത്ര ചെയ്ത ആളെ ചോദ്യം ചെയ്തിന് ഇടയിലാണ് സംഭവം. യാത്രക്കാർ നോക്കി നിൽക്കെയായിരുന്നു ടിടിഇക്കു മർദനനമേറ്റത്. ടിടഇയുടെ പരാതിയിൽ കോഴിക്കോട് റെയിൽവേ പോലീസ് പ്രതിയെ അറസ്റ്റ് ചെയ്തു.
കോഴിക്കോടുനിന്ന് ട്രെയിനില് കയറിയ പ്രതി അവിടംമുതല് പ്രശ്നങ്ങളുണ്ടാക്കിയിരുന്നുവെന്നാണ് മര്ദനമേറ്റ ടിടിഇ പറയുന്നത്. ജനറല്കോച്ചിലേക്ക് മാറാന് ഇയാളോട് പലതവണ ആവശ്യപ്പെട്ടിട്ടും കേട്ടില്ല. പിന്നാലെയാണ് പ്രകോപിതനായ യാത്രക്കാരന് ടിടിഇയെ ക്രൂരമായി ആക്രമിച്ചത്. കൈകൊണ്ട് തടഞ്ഞുനിര്ത്തിയ ശേഷം മൂക്കിനിടിച്ചെന്നാണ് ടിടിഇയുടെ പരാതിയില് പറയുന്നത്. മര്ദനമേറ്റ് ചോരയൊലിച്ച് നില്ക്കുന്ന ടിടിഇയുടെ ചിത്രങ്ങളും പുറത്തുവന്നിട്ടുണ്ട്.
