ന്യൂദല്‍ഹി: ഭാരതത്തിന്റെ കിഴക്കന്‍ മേഖലകളില്‍ ബിജെപി ഇക്കുറി ശക്തമായി തന്നെ ചുവടുറപ്പിക്കുമെന്ന് പ്രധാനമന്ത്രി നരേന്ദ്രമോദി. പുതിയ മുന്നേറ്റം എന്‍ഡിഎയെ അനായാസമായി 400 സീറ്റുകള്‍ ലക്ഷ്യത്തിലെത്താന്‍ സഹായിക്കുമെന്നും അദേഹം പറഞ്ഞു.
ഒരു ദേശീയ മാധ്യമത്തിന് നല്‍കിയ അഭിമുഖത്തിലാണ് പ്രധാനമന്ത്രിയുടെ പ്രതികരണം. രാജ്യത്തിന്റെ വികസനം നടപ്പാക്കുമ്പോള്‍ കിഴക്കന്‍ മേഖലകളിലേക്ക് പ്രത്യേകമായി ശ്രദ്ധ കേന്ദ്രീകരിക്കുന്നുണ്ടെന്നും അദേഹം ചൂണ്ടിക്കാണിച്ചു. 2013ല്‍ ഞാന്‍ നടത്തിയ പ്രസംഗം ശ്രദ്ധിച്ചാല്‍ നിങ്ങള്‍ക്കത് മനസിലാകും. രാജ്യത്തിന്റെ വികസനം നടപ്പാക്കണമെങ്കില്‍, കിഴക്കന്‍ മേഖലകളെ വളര്‍ച്ചയുടെ എഞ്ചിനാക്കി മാറ്റണമെന്ന് ഞാന്‍ പറഞ്ഞിരുന്നു.
ഈ മേഖലകള്‍ കേന്ദ്രീകരിച്ചുള്ള വികസന പ്രവര്‍ത്തനങ്ങളില്‍ വലിയ പ്രാധാന്യം കൊടുക്കുന്നുണ്ട്. എന്‍ഡിഎയുടെ 400 സീറ്റുകള്‍ എന്ന ലക്ഷ്യം സൂചിപ്പിക്കുന്നത് തന്നെ ഹിന്ദി ഹൃദയഭൂമിക്കപ്പുറത്തേക്ക് ബിജെപി ആധിപത്യം വളര്‍ത്തുകയാണെന്നാണ്. ബംഗാള്‍, ഒഡിഷ ഉള്‍പ്പെടെയുള്ള സംസ്ഥാനങ്ങള്‍ ബിജെപി ഏറെ നാളായി ലക്ഷ്യം വച്ചിട്ടുള്ള പ്രദേശങ്ങളാണ്.
പ്രതികരിക്കാൻ ഇവിടെ എഴുതുക: