കൊല്‍ക്കൊത്ത: ബംഗാളില്‍ തൃണമൂല്‍ സ്ഥാനാര‍്ത്ഥിയാണങ്കിലും പ്രധാനമന്ത്രി മോദിയെ അഭിനന്ദിച്ച് ക്രിക്കറ്റ് താരം യൂസഫ് പത്താന്‍. മോദിയെക്കുറിച്ചുള്ള ചോദ്യത്തിന് മോദിയെക്കുറിച്ച് അഭിമാനമുണ്ടെന്നായിരുന്നു യൂസഫ് പത്താന്‍ പറഞ്ഞത്.
ബംഗാളില്‍ ബഹ്റാം പൂര്‍ ലോക് സഭാമണ്ഡലത്തിലാണ് യൂസഫ് പത്താന്‍ മത്സരിക്കുന്നത്. ഇവിടെ ആറ് തവണ മത്സരിച്ച് ജയിച്ച കോണ്‍ഗ്രസിന്റെ ആദിര്‍ രഞ്ജന്‍ ചൗധരിയ്‌ക്കെതിരെയാണ് യൂസഫ് പത്താന്‍ മത്സരിക്കുന്നത്. 80,000 വോട്ടുകള്‍ക്കാണ് 2019ല്‍ ആദിര്‍ രഞ്ജന്‍ ചൗധരി ജയിച്ചത്.
ഗുജറാത്തിലെ ബറോഡ സ്വദേശിയാണ് യൂസഫ് പത്താന്‍. ഗുജറാത്തിന് വേണ്ടി പ്രവര്‍ത്തിച്ച് “സംസ്ഥാനത്തിനും രാജ്യത്തിനും അഭിമാനമായി മാറുന്ന ഏത് ഗുജറാത്തിയോടും ബഹുമാനമാണ്. രാജ്യത്തെ മറാഠിയായിലും ബംഗാളിയായാലും ഗുജറാത്തിയായാലും- എല്ലാവരും അഭിമാനം കൊള്ളുന്നു. അദ്ദേഹത്തോട് എനിക്ക് വലിയ ബഹുമാനമാണ്. ഇദ്ദേഹം രാജ്യത്തിന്റെ പ്രധാനമന്ത്രിയുമാണ്. “- യൂസഫ് പത്താന്‍ പറയുന്നു.
പ്രതികരിക്കാൻ ഇവിടെ എഴുതുക: