തോക്കേന്തി നടുറോഡില്‍ സിമ്രാന്റെ ഡാന്‍സ്; റില്‍സ് വൈറലായി പിന്നാലെ നടപടിയുമായി പോലീസ്

ലക്‌നൗ: നടുറോഡില്‍ തോക്ക് കയ്യിലേന്തി യുട്യൂബര്‍ സിമ്രാന്‍ യാദവ് നൃത്തം ചെയ്യുന്ന റീല്‍സ് വൈറലായതിന് പിന്നാലെ നടപടിയുമായി പൊലീസ്.

ലക്‌നൗ ദേശീയപാതയിലാണ് സംഭവം. നിരവധി ഫോളോവേഴ്‌സുള്ള യുട്യൂബര്‍ സിമ്രാന്‍ യാദവ് തോക്ക് കയ്യിലേന്തി ഭോജ് പുരി ഗാനത്തിന് ചുവടുവച്ചത്. ഈ റീല്‍സ് വൈറലായതിന് പിന്നാലെ സിമ്രാനെതിരെ വ്യാപക വിമര്‍ശനമാണ് ഉയര്‍ന്നത്. ഇതോടെ സംഭവത്തില്‍ അന്വേഷണത്തിന് ഉത്തരവിട്ടിരിക്കയാണ് പൊലീസ്.

യുട്യൂബില്‍ 18 ലക്ഷം സബ്‌സ്‌െ്രെകബേഴ്‌സും ഇന്‍സ്റ്റഗ്രാമില്‍ 22 ലക്ഷം ഫോളോവേഴ്‌സുമുള്ള താരമാണ് സിമ്രാന്‍ യാദവ്. ഇത്രയധികം വിമര്‍ശനം ഉണ്ടായിട്ടും സംഭവത്തില്‍ സിമ്രാന്‍ ഇതുവരെ പ്രതികരിച്ചിട്ടില്ല.

instagram star सिमरन यादव लखनऊ सरेआम नियम कानून व आचार संहिता की धज्जियाँ उड़ाते हुए highway पर पिस्टल को लहराकर video वायरल करके समाज में अपनी बिरादरी का रौब जमा रहीं हैं परंतु अधिकारी चुप्पी साधे हुए है l @dgpup @ECISVEEP @Splucknow_rural @Igrangelucknow @adgzonelucknow @myogi pic.twitter.com/GN4zWsc1P9

— Advocate kalyanji Chaudhary (@DeewaneHindust1) May 9, 2024

അഭിഭാഷകനായ കല്യാണ്‍ജി ചൗധരി എന്നയാളാണ് വീഡിയോ എക്‌സില്‍ പങ്കുവച്ച് സംഭവം അധികാരികളുടെ ശ്രദ്ധയില്‍പ്പെടുത്തിയത്. ‘ലക്‌നൗവിലെ ഇന്‍സ്റ്റഗ്രാം താരം സിമ്രാന്‍ യാദവ് തന്റെ ആരാധക കരുത്ത് കാണിക്കാന്‍ ഹൈവേയില്‍ പിസ്റ്റള്‍ വീശി വീഡിയോ വൈറലാക്കി നിയമവും പെരുമാറ്റച്ചട്ടവും പരസ്യമായി ലംഘിക്കുന്നു. പക്ഷേ ഉദ്യോഗസ്ഥര്‍ മൗനം പാലിക്കുന്നു’ എന്നായിരുന്നു വീഡിയോ പങ്കുവച്ചുള്ള ചൗധരിയുടെ പോസ്റ്റ്. ഇതിന് മറുപടിയായി യുപി പൊലീസിന്റെയും ലക്‌നൗ ജില്ലാ പൊലീസിന്റെയും മറുപടി ഇങ്ങനെ;

സംഭവത്തെക്കുറിച്ച് അന്വേഷിക്കാനും ആവശ്യമായ നടപടികള്‍ സ്വീകരിക്കാനും നിര്‍ദേശം നല്‍കിയിട്ടുണ്ട് എന്നായിരുന്നു.