തൃപ്പൂണിത്തുറ: എരൂരില്‍ കിടപ്പുരോഗിയായ പിതാവിനെ വാടകവീട്ടില്‍ ഉപേക്ഷിച്ച് കടന്ന മകന്‍ അജിത്ത് ഇപ്പോള്‍ വേളാങ്കണ്ണിയിലാണുളളതെന്ന് പൊലീസ്. ഏഴുപത് വയസ് കഴിഞ്ഞ ഷണ്‍മുഖനാണ് ഭക്ഷണം കിട്ടാതെയും പ്രാഥമിക കൃത്യങ്ങളും നിര്‍വഹിക്കാനാകാതെ ഒരുദിവസം നരകിച്ചത്.
ഈ സാഹചര്യത്തില്‍ ഷണ്‍മുഖനെ തത്കാലത്തേക്ക് കൊച്ചിയിലുള്ള മകളുടെ വീട്ടിലേക്ക് കൊണ്ടുപോകും.വയോധികനെ കോതമംഗലത്തെ സഹോദരന്റെ വീട്ടിലേക്ക് ഞായറാഴ്ച വൈകിട്ട് മാറ്റും.
വൈറ്റില സ്വദേശിയായ ഷണ്‍മുഖന്‍ അപകടത്തില്‍പെട്ടാണ് കിടപ്പിലായത്.മൂന്ന് മാസമായി മകന്‍ അജിത്തിനൊപ്പം വാടകവീട്ടിലാണ്.നാല് മാസമായി വാടക കുടിശികയാണ്.
വ്യാഴാഴ്ച വൈകിട്ട് സാധനങ്ങളെടുത്ത് വീടൊഴിഞ്ഞെങ്കിലും മകന്‍ അച്ഛനെ വീട്ടില്‍ ഉപേക്ഷിച്ചാണ് കടന്നത്. ഇന്നലെ രാത്രി അയല്‍ക്കാര്‍ അറിയിച്ചപ്പോഴാണ് വിവരം വീട്ടുടമസ്ഥന്‍ അറിയുന്നത്. വാര്‍ഡ് കൗണ്‍സിലറുടെ പരാതിയില്‍ മകന്‍ അജിത്തിനെതിരെ കേസെടുത്ത തൃപ്പൂണിത്തുറ പൊലീസ് ഷണ്‍മുഖനെ താലൂക്ക് ആശുപത്രിയിലേക്ക് മാറ്റി.
പ്രതികരിക്കാൻ ഇവിടെ എഴുതുക: