ന്യൂദല്ഹി: ഇറാന് പിടികൂടിയ ഇസ്രയേല് ബന്ധമുള്ള ചരക്ക് കപ്പലിലെ അഞ്ച് ഇന്ത്യന് ജീവനക്കാരെ കൂടി മോചിപ്പിച്ചു. ഇവര് നാട്ടിലേക്ക് പുറപ്പെട്ടതായി ടെഹ്റാനിലെ ഇന്ത്യന് നയതന്ത്ര കാര്യാലയം അറിയിച്ചു.
കപ്പലിലുള്ള മുഴുവന് ഇന്ത്യാക്കാരെയും മോചിപ്പിക്കാനുള്ള ശ്രമം തുടരുകയാണ്. ഇറാന്-ഇസ്രയേല് സംഘര്ഷത്തെ തുടര്ന്ന് കഴിഞ്ഞമാസം 13നാണ് ഹോര്മൂര് കടലിടുക്കില് വച്ച് എംഎസ്സി ഏരീസ് എന്ന ചരക്കുകപ്പല് ഇറാന് പിടിച്ചെടുത്ത്.
മലയാളി വനിതയുള്പ്പെടെ 25 ജീവനക്കാര് കപ്പലിലുണ്ടായിരുന്നു. ഇതില് നാല് മലയാളികളുള്പ്പെടെ 17 പേരും ഇന്ത്യക്കാരായിരുന്നു.
ജീവനക്കാരുടെ മോചനത്തിനായി നയതന്ത്ര നീക്കങ്ങള് നടത്തിയതിന് പിന്നാലെ മലയാളി ആന് ടെസ ജോസഫിനെ വിട്ടയച്ചു.
