ഹൈദരാബാദ്: ഹൈദരാബാദില് കഴിഞ്ഞദിവസമുണ്ടായ കനത്തമഴയില് മതില് തകര്ന്നുവീണ് നാല് വയസുള്ള കുട്ടി ഉള്പ്പടെ ഏഴ് മരണം. തെലങ്കാന മെഡ്ചാല് മല്കജിഗിരി ജില്ലയിലെ ബാച്ചുപ്പള്ളിയിലാണ് അപകടമുണ്ടായത്. ശക്തമായ മഴയില് നിര്മാണം നടന്നുകൊണ്ടിരുന്ന അപ്പാര്ട്ട്മെന്റിന്റെ മതിലാണ് തകര്ന്നത്. മരിച്ചവര് മതിലിനടിയില് അകപ്പെടുകയായിരുന്നു.
ഹൈദരാബാദില് അതിശക്തമായ മഴയില് നഗരത്തില് ഉള്പ്പടെ വെള്ളക്കെട്ടുണ്ടായി. ഗതാഗതവും തടസപ്പെട്ടു. ഇത് ബാച്ചുപ്പള്ളിയിലെ രക്ഷാപ്രവര്ത്തനത്തേയും ബാധിച്ചു. അവശിഷ്ടങ്ങള്ക്കിടയില് നിന്ന് ഇന്നലെ രാവിലെയാണ് മൃതദേഹങ്ങള് പുറത്തെടുക്കാനായത്. ഒഡീഷ, ഛത്തീസ്ഗഢ് സ്വദേശികളാണ് അപകടത്തില് മരിച്ചതെന്ന് പോലീസ് അറിയിച്ചു.
