സാൻ്റാ ക്ലാര: ഭൂരിപക്ഷം ഇന്ത്യൻ അമേരിക്കക്കാരും പ്രധാനമന്ത്രി നരേന്ദ്രമോദിയെ മൂന്നാം തവണയും അധികാരത്തിലെത്താൻ ആഗ്രഹിക്കുന്നതായി ഇന്ത്യൻ-അമേരിക്കൻ ഡെമോക്രാറ്റിക് ഫണ്ട് റൈസർ അജയ് ജെയിൻ ഭതൂരിയ പറഞ്ഞു,
നരേന്ദ്രമോദിയുടെ സർക്കാരിന്റെ നയങ്ങൾ ഇന്ത്യയെ മാറ്റിമറിക്കുന്നതിനാലാണ് പ്രവാസി ഭാരതീയർ ഇത്തരത്തിൽ ചിന്തിക്കുന്നതെന്ന് അദ്ദേഹം പറഞ്ഞു. അമേരിക്കയിൽ ഏറെ സ്വാധീനമുള്ള ഒരു കമ്മ്യൂണിറ്റി നേതാവാണ് ഭതൂരിയ.
അമേരിക്കയുടെ ആഴത്തിലുള്ള സാമ്പത്തിക വളർച്ചയുടെ ഭാഗമാണ് ഇന്ത്യക്കാർ. സാമ്പത്തിക വളർച്ചയ്ക്ക് സംഭാവന നൽകാൻ അവർ കഠിനമായി പരിശ്രമിക്കുകയാണെന്ന് അദ്ദേഹം വ്യക്തമാക്കി. ഇതിന് സമാനമായ സാമ്പത്തിക വളർച്ച മോദിയുടെ നേതൃത്വത്തിൽ ഇന്ത്യയിൽ വീണ്ടും സംഭവിക്കുന്നത് കാണുമ്പോൾ അതിൽ വളരെ അഭിമാനം തോന്നുന്നുണ്ടെന്ന് ഭതൂരിയ പറഞ്ഞു.
ഭൂരിപക്ഷം ഇന്ത്യൻ അമേരിക്കക്കാരും പ്രധാനമന്ത്രി മോദി തിരിച്ചുവരണമെന്ന് ആഗ്രഹിക്കുന്നു. ഇന്ത്യ തിളങ്ങുമ്പോൾ അവർ തിളങ്ങുന്നുവെന്നത് അവർക്ക് അഭിമാനമാണ്, ”-ഭതൂരിയ അഭിമുഖത്തിൽ പറഞ്ഞു.
