വയനാട്ടില്‍ ജനവാസ മേഖലയില്‍ ഇറങ്ങിയ പുലി വളര്‍ത്തു നായയെ കടിച്ചു കൊണ്ടു പോയി

വയനാട് : അമ്പലവയല്‍ ആറാട്ടുപാറയില്‍ ജനവാസ മേഖലയില്‍ പുലി ഇറങ്ങി. ചൊവ്വാഴ്ച പുലര്‍ച്ചയാണ് സംഭവം.

ആറാട്ടുപാറ സ്വദേശി പി കെ കേളുവിന്റെ വളര്‍ത്തു നായയെ പുലി കടിച്ചെടുത്ത് കൊണ്ട് പോയി. വീടിന് പുറത്ത് ചങ്ങലയില്‍ കെട്ടിയിട്ടിരുന്ന നായയെയാണ് പുലി കൊണ്ടുപോയത്.

ശബ്ദം കേട്ട് കേളു പുറത്ത് ഇറങ്ങിയപ്പോള്‍ പുലി ഓടിപ്പോകുന്നത് കണ്ടിരുന്നു. വനംവകുപ്പ് ഉദ്യോഗസ്ഥര്‍ സ്ഥലത്തെത്തി പരിശോധന നടത്തി. ജനവാസ മേഖലയില്‍ ഇറങ്ങിയ പുലിയെ കൂട് വച്ച് പിടികൂടണം എന്നാണ് ജനങ്ങളുടെ ആവശ്യം.