ന്യൂദല്‍ഹി: മദ്യനയ അഴിമതി കേസില്‍ അറസ്റ്റിലായ ബിആര്‍എസ് നേതാവ് കെ. കവിതയുടെ ജാമ്യഹര്‍ജി വിചാരണക്കോടതി തള്ളി. ദല്‍ഹിയിലെ റോസ് അവന്യൂ കോടതിയിലെ സ്‌പെഷല്‍ ജഡ്ജ് കാവേരി ബാവ്ജയാണ് ഹര്‍ജി തള്ളിയത്. നിലവില്‍ ജുഡീഷ്യല്‍ കസ്റ്റഡിയിലാണ് കവിത.
ദല്‍ഹി മദ്യനയ അഴിമതി കേസില്‍ സിബിഐയും ഇ ഡിയും കവിതക്കെതിരെ കേസുകള്‍ രജിസ്റ്റര്‍ ചെയ്തിരുന്നു. മാര്‍ച്ച് 15നാണ് കവിതയെ ഇ ഡി അറസ്റ്റ് ചെയ്തത്. ഏപ്രില്‍ ഒന്നിന് സിബിഐയും അറസ്റ്റ് രേഖപ്പെടുത്തി. നിലവില്‍ തിഹാര്‍ ജയിലിലാണവര്‍.
മദ്യനയത്തിന്റെ ഭാഗമായി മുഖ്യമന്ത്രി അരവിന്ദ് കേജ്‌രിവാളുമായും മുന്‍ ഉപമുഖ്യമന്ത്രി മനീഷ് സിസോദിയയുമായും കവിത ഗൂഢാലോചന നടത്തിയെന്നും പകരമായി നേതാക്കള്‍ക്കു 100 കോടി കൈമാറിയെന്നുമാണ് ഇ ഡിയുടെ കണ്ടെത്തല്‍.
പ്രതികരിക്കാൻ ഇവിടെ എഴുതുക: