കോട്ടയം: അപമര്യാദയായി പെരുമാറിയെന്ന നടി റോഷ്ന ആന്‍ റോയിയുടെ ആക്‌ഷേപത്തിനെതിരെ കേസുകൊടുക്കുമെന്ന് മേയര്‍ വിവാദത്തിലുള്‍പ്പെട്ട കെഎസ്ആര്‍ടിസി ഡ്രൈവര്‍ യദു കൃഷ്ണന്‍.
എനിക്ക് ഇത്തരമൊരുസംഭവം ഓര്‍മ്മയില്ല. അവര്‍ പറയുന്ന ദിവസം അതു വഴി വാഹനവുമായി പോയിട്ടുണ്ടോയെന്ന് പരിശോധിച്ചാലേ അറിയൂ.
ഫേസ്ബുക്കിലൂടെയാണ് റോഷ്നയെന്ന നടി വെളിപ്പെടുത്തല്‍ നടത്തിയത്.
മലപ്പുറത്തുനിന്ന് എറണാകുളത്തേക്ക് ഡ്രൈവ് ചെയ്തു പോകുന്ന വഴി കാറിലുണ്ടായിരുന്ന തന്നോട് കെഎസ്ആര്‍ടിസി ഡ്രൈവര്‍ ഒരു സ്ത്രീയാണെന്നുള്ള യാതൊരു പരിഗണനയുമില്ലാതെ മോശമായി പെരുമാറിയെന്നാണ് റോഷ്ന ഫേസ്ബുക്കില്‍ കുറിച്ചത്.
സംഭവം നടന്നപ്പോള്‍ ഫോണില്‍ എടുത്ത ബസിന്റെതെന്ന പേരില്‍ ഒരു ചിത്രം സഹിതമാണ് റോഷ്ന ഫേസ്ബുക് കുറിപ്പ് പോസ്റ്റ് ചെയ്തിരുന്നത്.
കുറച്ച് നാളുകള്‍ക്ക് മുന്‍പ് നടന്നത് കൊണ്ട് അദ്ദേഹം മറന്നു പോയിട്ടുണ്ടാകും , ഓര്‍മ്മിപ്പിക്കാന്‍ വേണ്ടി കൂടിയാണ് ഈ പോസ്റ്റ് ഇടുന്നത് എന്നും നടി പറഞ്ഞിരുന്നു. ഈ പോസ്റ്റ് വ്യാപകമായി പ്രചരിച്ചതോടെ ഈ നടി ആ്‌രെന്നറിയാന്‍ ഗൂഗിളില്‍ സെര്‍ച്ച് ചെയ്യുന്നവരുടെ എണ്ണം വര്‍ദ്ധിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: