ശിവഗിരി: ശ്രീനാരായണ ഗുരുദേവന്റെ ദര്ശനവും ഉദ്ബോധനങ്ങളും സമൂഹത്തിന് പകര്ന്നു നല്കാന് ജീവിതാന്ത്യം വരെ യത്നിച്ച സന്യാസി ശ്രേഷ്ഠനായിരുന്നു കരുണാകര ഗുരുവെന്ന് ശ്രീനാരായണ ധര്മ്മസംഘം ട്രസ്റ്റ് ജനറല് സെക്രട്ടറി സ്വാമി ശുഭാംഗാനന്ദ പറഞ്ഞു.
വ്യവസായം കൊണ്ട് അഭിവൃദ്ധി നേടാനുള്ള ഗുരുദേവന്റെ സന്ദേശം ശിരസാവഹിച്ച് ശാന്തിഗിരി ആശ്രമം ഒട്ടേറെ സംരംഭങ്ങള് ആരംഭിച്ചു വിജയിപ്പിച്ചതായും സ്വാമി പറഞ്ഞു.
ശാന്തിഗിരി ആശ്രമം സ്ഥാപകന് നവജ്യോതി കരുണാകര ഗുരു സഞ്ചരിച്ച കേന്ദ്രങ്ങളിലൂടെ ശിഷ്യ പരമ്പര നടത്തി വരുന്ന അവധൂത യാത്ര ശിവഗിരി ശാരദാമഠത്തില് എത്തി ദര്ശനത്തിനു ശേഷം ചേര്ന്ന സത്സംഗത്തില് സംസാരിക്കുകയായിരുന്നു സ്വാമി.
ശാന്തിഗിരി ആശ്രമം ജനറല് സെക്രട്ടറി സ്വാമി ഗുരുരത്നം ജ്ഞാന തപസ്വി, ശിവഗിരി മഠം ട്രഷറര് സ്വാമി ശാരദാനന്ദ ശാന്തിഗിരി ആശ്രമം പ്രസിഡന്റ് സ്വാമി ചൈതന്യ ജ്ഞാന തപസ്വിതുടങ്ങിയവര് സംബന്ധിച്ചു.
