ലോറിയെന്റ്: സൂപ്പര്‍ താരം കിലിയന്‍ എംബപ്പെയും ഉസ്മാന്‍ ഡെംബേലെയും നേടിയ ഇരട്ട ഗോള്‍ ബലത്തില്‍ ലോറിയെന്റിനെ തകര്‍ത്ത് പിഎസ്ജി. ജയത്തോടെ എംബപ്പെയുടെ ടീം ഫ്രഞ്ച് ലിഗ് വണ്‍ കിരീടത്തിനോട് കൂടുതല്‍ അടുത്തു.
ഇന്നലെ ഈ മത്സരത്തിന് ശേഷം നടന്ന കളിയില്‍ ലിഗ് വണ്‍ പട്ടികയില്‍ രണ്ടാമതുള്ള മൊനാക്കോ ലില്ലെയെ തോല്‍പ്പിച്ചതിനാല്‍ പിഎസ്ജിയുടെ ചാമ്പ്യന്‍ഷിപ്പ് നേട്ടത്തിന് വീണ്ടും കാത്തിരിക്കേണ്ടവരും. ശനിയാഴ്ച രാത്രി 12.30ന് സ്വന്തം മൈതാനത്ത് ലെ ഹാഹ്‌റെയ്‌ക്കെതിരായ പോരാട്ടത്തില്‍ ജയിച്ചാല്‍ ടീമിന് കിരീടം സ്വന്തമാക്കാം. പണ്ട് പോയിന്റുകള്‍ക്കകലെയാണ് പിഎസ്ജിയുടെ ഇത്തവണത്തെ ലിഗ് വണ്‍ കിരീടനേട്ടം. നിലവില്‍ 69 പോയിന്റുകളാണ് പിഎസ്ജിക്കുള്ളത്. രണ്ടാമതുള്ള മൊനാക്കോ നേടിയിട്ടുള്ളത് 58 പോയിന്റും.
ഇന്നലത്തെ കളിയില്‍ 19-ാം മിനിറ്റില്‍ ഡെബേലെ ആണ് പിഎസ്ജിക്കായി ആദ്യം സ്‌കോര്‍ ചെയ്തത്. മൂന്ന് മിനിറ്റിനകം എംബപ്പെയിലൂടെ ടീം ലീഡ് ഇരട്ടിപ്പിച്ചു. ആദ്യ പകുതിയ ഏകപക്ഷീയമായ രണ്ട് ഗോളിന് പിഎസ്ജി മുന്നിട്ടു നിന്നു.
രണ്ടാം പകുതിയില്‍ കളിക്ക് 60 മിനിറ്റായപ്പോള്‍ ഡെംബേലെ ഇരട്ടഗോള്‍ തികച്ച് കളി 3-0ലാക്കി. കളിക്ക് 73 മിനിറ്റെത്തിയപ്പോള്‍ മുഹമ്മദ് ബംബാ ലൊറിയെന്റിനായി ആശ്വാസ ഗോള്‍ കണ്ടെത്തി. 90-ാം മിനിറ്റില്‍ എംബപ്പെയും ഇരട്ടഗോള്‍ തികച്ച് കോട്ട പൂര്‍ത്തിയാക്കി.
പ്രതികരിക്കാൻ ഇവിടെ എഴുതുക: