തൃശൂര് : കരുവന്നൂര് കേസില് സിപിഎം തൃശൂര് ജില്ലാ സെക്രട്ടറി എംഎം വര്ഗീസിന് ചോദ്യം ചെയ്യലിന് ഹാജരാകണമെന്നാവശ്യപ്പെട്ട് ഇഡി നോട്ടീസ് വീണ്ടും. അടുത്ത തിങ്കളാഴ്ച കൊച്ചി ഓഫീസില് ഹാജരാകാനാണ് നിര്ദ്ദേശം.
നേരത്തെ മൂന്ന് തവണ ഇഡി നോട്ടീസ് നല്കിയിരുന്നെങ്കിലും തെരഞ്ഞെടുപ്പ് ചുമതലകള് ഉള്ളതിനാല് ഹാജരാകാന് കഴിയില്ലെന്ന നിലപാടിലായിരുന്നു വര്ഗീസ് . ഇതേ തുടര്ന്നാണ് വോട്ടെടുപ്പ് കഴിഞ്ഞ് ഹാജരാകാന് നിര്ദ്ദേശിച്ചത്.
കരുവന്നൂര് ബാങ്കില് സിപിഎമ്മിന് രഹസ്യ അക്കൗണ്ടുകളുണ്ടെന്ന് ഇ ഡി കണ്ടെത്തിയിരുന്നു.ബിനാമി വായ്പ നല്കിയതില് സിപിഎം നേതാക്കളുടെ ഇടപെടല് സംബന്ധിച്ചും വര്ഗീസില് നിന്ന് വിവരങ്ങള് അറിയേണ്ടതുണ്ട്.
ബാങ്ക് ക്രമക്കേടില് സിപിഎം നിയോഗിച്ച അന്വേഷണ കമ്മീഷന് വിശദാംശങ്ങള് ഇഡി തേടിയിരുന്നെങ്കിലും അത്തരം റിപ്പോര്ട്ടില്ലെന്നാണ് വര്ഗിസ് നല്കിയ മറുപടി.
