തൃശ്ശൂര്‍: പുത്തൂര്‍ മാന്ദാമംഗലം വെള്ളക്കാരിത്തടത്ത് കിണറ്റില്‍ വീണ കാട്ടാന ചരിഞ്ഞു. തിങ്കള്‍ രാത്രി ഒരു മണിയോടെയാണ് വെള്ളക്കാരിത്തടം ആനക്കുഴി സ്വദേശി കുരിക്കാശ്ശേരി സുരേന്ദ്രന്റെ വീട്ടിലെ കിണറ്റില്‍ കാട്ടാന വീണത്. ഇന്നലെ രാവിലെ വനം വകുപ്പ് ഉദ്യോഗസ്ഥരുടെയും നാട്ടുകാരുടെയും നേതൃത്വത്തില്‍ രക്ഷാദൗത്യം ആരംഭിച്ചിരുന്നു.
ഇതിനിടെ ആനയ്‌ക്ക് അനക്കമില്ലെന്ന് വനം വകുപ്പ് ഉദ്യോഗസ്ഥര്‍ക്ക് സംശയം തോന്നി പരിശോധിച്ചപ്പോഴാണ് ആന ചരിഞ്ഞതായി മനസിലായത്. ഇതോടെ മണിക്കൂറുകളോളം നീണ്ട രക്ഷാദൗത്യമാണ് ഫലമില്ലാതായത്.
തുടര്‍ന്ന് ജെസിബിയുടെ സഹായത്തോടെ ആനയുടെ ജഡം പുറത്തെടുത്തു. വീട്ടുകാര്‍ ഉപയോഗിക്കുന്ന ആഴമുള്ള കിണറാണ്. വീഴ്ചയുടെ ആഘാതത്തിലാകാം ആന ചരിഞ്ഞതെന്നാണ് കണക്കുകൂട്ടല്‍.
പ്രതികരിക്കാൻ ഇവിടെ എഴുതുക: