ബംഗളുരു: കർണാടകയിൽ പിന്നാക്ക ജാതിയിൽപ്പെട്ട ഹിന്ദു യുവതിയെ സ്വകാര്യ ചിത്രങ്ങൾ ഉപയോഗിച്ച് ബ്ലാക്ക്മെയിൽ ചെയ്ത് ഇസ്ലാം മതം സ്വീകരിക്കാൻ നിർബന്ധിച്ച കേസിൽ ദമ്പതികൾ ഉൾപ്പടെ ഏഴ് പേർ അറസ്റ്റിൽ. മതസ്വാതന്ത്ര്യത്തിനുള്ള സംരക്ഷണ നിയമം, ഐടി നിയമത്തിലെ പ്രസക്തമായ വകുപ്പുകൾ, എസ്‌സി/എസ്ടി ആക്ട്, ഐപിസി വകുപ്പ് എന്നിവയുൾപ്പെടെ വിവിധ നിയമങ്ങൾ പ്രകാരമാണ് ഇവർക്കെതിരെ കുറ്റം ചുമത്തിയിരിക്കുന്നത്.
ബലാത്സംഗം, തട്ടിക്കൊണ്ടുപോകൽ, അന്യായമായി തടവിൽ വയ്‌ക്കൽ, ഭീഷണിപ്പെടുത്തൽ എന്നിവയും പ്രതികൾക്കെതിരെ ചുമത്തിയിട്ടുണ്ട്. സംഘത്തിലെ റഫീഖ് എന്നായാൾ അയാളുടെ ഭാര്യയുടെ മുന്നിൽ വച്ച് തന്നെ ക്രൂരമായി പീഡനത്തിനിരയാക്കിയെന്നും ഇതിന്റെ ചിത്രങ്ങൾ പകർത്തുകയും ചെയ്തിരുന്നുവെന്നും യുവതി പരാതിയിൽ വ്യക്തമാക്കിയിരുന്നു. തന്റെ നെറ്റിയിലെ കുങ്കുമം മായ്ച്ച ശേഷം ബുർക്ക ധരിക്കാൻ നിർബന്ധിച്ചുവെന്നും യുവതി വ്യക്തമാക്കിയിരുന്നു.
ഇസ്ലാം മതം സ്വീകരിച്ചില്ലെങ്കിൽ ചിത്രങ്ങൾ പുറത്തുവിടുമെന്ന് റഫീഖും ഭാര്യയും ഭീഷണിപ്പെടുത്തിയിരുന്നു. പിന്നാക്ക ജാതിയിൽപ്പെട്ട ആളായതിനാൽ ജാതിയുടെ അടിസ്ഥാനത്തിലുള്ള അധിക്ഷേപങ്ങൾ നേരിടേണ്ടി വന്നെന്നും യുവതി ആരോപിച്ചു. 2023 മുതൽ റഫീക്കും ഭാര്യയും യുവതിയുടെ പിന്നാലെയുണ്ടെന്നും ബെലഗാവിയിലെ വീട്ടിലേക്ക് താമസം മാറാൻ നിർബന്ധിക്കുകയും അവരുടെ ഉത്തരവുകൾ പാലിക്കാൻ ആവശ്യപ്പെടുകയും ചെയ്തതായി പോലീസ് പറഞ്ഞു.
കഴിഞ്ഞ വർഷം ഭാര്യയുണ്ടായിരുന്ന സമയത്ത് റഫീഖ് തന്നെ പീഡിപ്പിച്ചെന്നും യുവതി പറയുന്നു.
പ്രതികരിക്കാൻ ഇവിടെ എഴുതുക: