രോഹിതിനെ നായക പദവിയില്‍ നിന്ന് നീക്കിയതിനെ കുറ്റപ്പെടുത്തി സുരേഷ് റെയ്ന

മുംബയ് : രോഹിത് ശര്‍മ്മയെ നായക പദവിയില്‍ നിന്ന് നീക്കിയതിനെ വിമര്‍ശിച്ച് സുരേഷ് റെയ്ന. മുംബയ് ഇന്ത്യന്‍സിന്റെ നായകനായി രോഹിത് തുടരണമായിരുന്നു.

ആരാധകരുടെ നിരാശ മനസിലാക്കാവുന്നതേയുള്ളൂവെന്നും സുരേഷ് റെയ്ന പറഞ്ഞു.രോഹിതിനെ ക്യാപ്റ്റന്‍ സ്ഥാനത്ത് നിന്ന് മാറ്റിയത് എന്ത് കൊണ്ടാണെന്ന് എനിക്കറിയില്ല.മുംബയ് ഇന്ത്യന്‍സ് ഇപ്പോള്‍ നല്ല നിലയിലാണ്. അവസാന മത്സരത്തില്‍ അവര്‍ വിജയിച്ചു- റെയ്ന പറഞ്ഞു.

ഒരു പക്ഷേ മാനേജ്മെന്റ് പ്രായം കുറഞ്ഞ ഒരു ക്യാപ്റ്റനെയാകും അന്വേഷിക്കുന്നത്.രോഹിതിന് ഇപ്പോള്‍ 36 ഓ 37 വയസോ ആണെന്ന് കരുതുന്നു.- റെയ്‌ന പറഞ്ഞു.

മുംബയുടെ തീരുമാനം ശരിയാണോ അല്ലയോ എന്ന് സമയമെടുത്ത് മാത്രമേ പറയാനാകൂവെന്നും സുരേഷ് റെയ്‌ന പറഞ്ഞു.