തിരുവനന്തപുരം : സംസ്ഥാനത്ത് വേനല് മഴ തുടരുമെന്ന് കാലാവസ്ഥാ പ്രവചനം. ഉച്ചയ്ക്ക് ശേഷം മലയോര മേഖലകളില് ഇടിമിന്നലോട് കൂടിയ വേനല് മഴയ്ക്ക് സാധ്യതയുണ്ടെന്നാണ് കാലാവസ്ഥാ മുന്നറിയിപ്പ്.
പൊതുജനങ്ങള് ഇടിമിന്നല് ജാഗ്രത നിര്ദേശങ്ങള് പാലിക്കണമെന്ന് അധികൃതര് ആവശ്യപ്പെട്ടു.
ഇന്ന് മുതല് 25 വരെ കൊല്ലം, തൃശൂര് ജില്ലകളില് ഉയര്ന്ന താപനില 39ഡിഗ്രി സെല്ഷ്യസ് വരെയും, പാലക്കാട്, കോഴിക്കോട് ജില്ലകളില് ഉയര്ന്ന താപനില 38 ഡിഗ്രി സെല്ഷ്യസ് വരെയും, പത്തനംതിട്ട, എറണാകുളം, കണ്ണൂര് ജില്ലകളില് ഉയര്ന്ന താപനില 37ഡിഗ്രി സെല്ഷ്യസ് വരെയും ഉയരാന് സാധ്യതയുണ്ട്. ആലപ്പുഴ, കോട്ടയം, മലപ്പുറം ജില്ലകളില് ഉയര്ന്ന താപനില 36ഡിഗ്രി സെല്ഷ്യസ് വരെയും ഉയരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില്, മലയോര മേഖലകളിലൊഴികെ ഇന്ന് 21 മുതല് 25 വരെ ചൂടും ഈര്പ്പവുമുള്ള കാലാവസ്ഥയ്ക്ക് സാധ്യതയുണ്ട്.
